...þá er konan komin heim og búin að hjúkra manninum til betri heilsu. Mér er greinilega ekkert umhugað um eigin heilsu því morgun/hádegismaturinn í dag eru sterkir molar og sykurpúðar *hrollur*. Verð örugglega hroðalega ofvirk í dag og dett svo niður í blóðsykri og kemst ekki á austfirðingaballið fræga í kvöld. Nei ætli ég reyni ekki að læða einhverjum alvöru mat ofan í magann áður en bjórþambið og idolið byrjar. Er voða heit fyrir surprise surprise núðlum af Rikka Chan, skil ekki afhverju mér finnast þær svona góðar því þær eru í rauninni ekkert sérstakar! :S Hmmmm er farin að gjóa augunum á snakkið svo það er kannski best að ég fari að hafa samband við hana Dönu og koma mér eitthvað út!

Allir að kjósa Hildi Völu í kvöld hún er svo flottust...

...oj hvað ég er þreytt, skil þetta bara ekki! Fór frekar snemma að sofa í gær en var alltaf að vakna eins og nóttina á undan. Fór svo á fætur fyrir klukkan 10 og hentist í búð að kaupa kók og eitthvað að maula handa veika manninum. Fór svo í morgunkaffi til Gyðu Ameríkufara, hafði ekkert hitt hana frá því að hún kom aftur til landsins. Alveg ónýtt. Sit bara heima núna og reyni að gera eitthvað svo ég fari ekki að sofa. Er alveg máttlaus í líkamanum og finn að ég gæti sofið fram á kvöld en þeir sem allt þykjast vita segja að það sé alveg bannað. Uss skil ekki hvaðan þær upplýsingar koma, eins og það er gott að sofa á daginn. Verst að maður missir af öllu en á hinn bóginn kemur maður miklu í verk því það enginn til að trufla mann á nóttunum...

...mmmm mmmm er svo heppin að þekkja fullt af fólki sem er tilbúið að fóðra mig. Hékk með Dönu í gær sem bauð mér í lasagna. Borðaði á mig gat eins og á að gera þegar manni er boðið í mat amk ef verið er að reyna að halda fituforðanum við en samt eyða sem minnst af sínum eigin peningum í fóður. Fór strax í bælið og ég kom heim en svaf alveg hörmulega, var alltaf að vakna til að pissa og vesenast eitthvað. Svaf til 11:30 því í dag byrjuðu einhverjir árdagar í skólanum sem ég nenni ekki að taka þátt í. Er alveg hrikalega ófélagslynd kona amk þegar kemur að einhverju svona, því miður *roðn*.

Gunni litli er veikur, eða ég held hann sé veikur í dag var það amk í gær. Ég var óvelkomin kærasta því honum finnst víst best að vera einn þegar vanlíðanin er svona hroðaleg. Ég sem er svo góð hjúkka, hans missir! :) Kannski best að ath hvenrig heilsan er hjá manninum og hvort hann vanti eitthvað. En það verður að bíða aðeins (oj hvað ég er vond) því núna ætla ég að skoppa í strætó til Ingu og við finnum upp á einhverju bráðskemmtilegu að gera eins og við erum vanar. Gætum hrellt afgreiðsludömur í 10-11, erum víst þekktar fyrir það...

...mér finnst ab-mjólk í alvörunni góð, er ég skrítnari en aðrir eða þykir þetta fullkomnlega eðlilegt? Fór á djammið á laugardaginn og það var hroðalega gaman þó þetta væri ansi óvenjulegt djamm. Við Alda opnuðum fyrsta bjórinn klukkan 17:30 og sátum hérna bara tvær til rúmlega miðnættis en þá kom Klemens að ná í okkur svo við gætum veitt honum félagsskap meðan hann tók sig til. Við vorum búnar að gella okkur hroðalega upp og sjaldan hafa tvær ungar konur verið svona rosalega ánægðar með sig. Þegar Alda var búin að hözzla og Klemens var að spjalla reyndi ég að hafa samband við Gunna en hann vildi ekkert við mig tala, bölvaður!! Sendi honum líka sms sem hann fékk eftir að við vöknuðum á sunnudaginn!! Þannig að eftir að hafa dansað eins og hóra sat ég og spjallaði við Snorra Guðjóns til lokunar. Komumst að því á endanum að þeir Gunni höfðu verið að vinna saman, gaman að því! Rölti svo með Snorra niður á Lækjartorg og aftur upp því ég ætlaði sko að fá far heim með Gumma vini hans en þegar ég var kominn inn í bílinn og búið að hlaða svíum allt í kringum mig hringdi Gunni loksins. Allir í bílnum andvörpuðu og svo var hafist handa við að komast aftur út úr bílnum sem var miklu erfiðara en að komast inn í hann. Stóð svo úti og svipaðist um eftir Gunna, þá kom einhver strákur og fór að spjalla við Snorra. Ég leit eitthvað á hann og fór aftur að skima í kringum mig og eftir þónokkra stund fattaði ég að Snorri var að tala við Gunna. Ég þekkti ekki minn eiginn kærasta því hann var búinn að snyrta skeggið!! :S Hvað þýðir þetta? Er ég með athyglisbrest?? Minnisleysi?? Rakar Gunni sig alltof sjaldan?? Eða fæ ég of lítinn kvalití kærastatíma??? *Hux Hux* Þegar heim var komið elduðum við dýrindis núðlur sem ég kryddaði með öllum kryddum sem ég fann í íbúðinni og fannst þetta bara alveg geðveikt gott, hefði örugglega ekki fundist þetta hundum bjóðandi ef ég hefði átt að borða þetta áður en ég fór út!

Á sunnudaginn var ég svo hroðalega villt að stinga karlinn af og fara á Grillhúsið með Ingu Hrefnu þar sem ég piggaði mig út af nachos og hamborgara og frönskum *jömmers*. Svo var haldið í 10-11 og keypt nammigott og lentum við í afskaplega skemmtilegri lífsreynslu þar. Afgreiðsludaman gleymdi að láta Ingu fá afganginn og hún fattaði það ekki fyrr en var búið að afgreiða mig. Inga sagði að sig vantaði afganginn en afgreiðsludaman sagði "ég man eftir að hafa látið þig fá til baka, ég stend fast á þessu". Hún endurtók þennan frasa oftar en góðu hófi gegnir og strákur sem var að vinna þarna var að fara yfir um honum leið svo illa út af þessu en stelpan lét sig ekki. Hún lét við Ingu eins og hún væri krakkaskítur og sagði henni að leita í vösunum og leita betur og ég veit ekki hvað og hvað. Á endanum sagði ég "peningarnir geta nú varla hafa horfið" og þá sagði daman "ég stend fast á að hafa gefið þér til baka, þú borgaðir með þúsundkalli" Ég alveg "nei það var ég sem borgaði með þúsundkalli". Inga borgaði sko með korti, þá sagði daman "já ég man núna ég veit upp á mig sökina, borgaðu henni afganginn". Hún sagði ekki einu sinni afsakið!!! Mér finnst að Inga eigi að kvarta, gengur ekki að það sé komið fram við mann eins og ótíndan þjóf þegar maður bendir afgreiðslufólki á mistök. Enda mundi ég ekki nenna að stela 448 kr en ég vill samt fá þær til baka enda hef ég ekkert efni á að halda 10-11 uppi. Sú keðja getur nú ekki verið í svo miklum kröggum amk ekki miðað við vöruverðið þar *fjúffff þurrka svitann af enninu*...

...alltaf gaman að vera hrakin á fætur eldsnemma á laugardagsmorgni! Ég vaknaði sem sagt við eitthvað hljóð klukkan 7 og þarf sennilega ekki að nefna það að mér alveg dauðbrá. Hélt að það væri verið að banka á næsta herbergi en síðan var bankað aftur og þá fór ekki á milli mála að það var verið að banka hérna. Ég stökk fram úr rúminu og opnaði og þar stóð alveg blindfullur nágranni minn sem var alveg steinhissa á að ég væri sofandi og spurði hvort ég djammaði aldrei. Hann sagði líka að klukkan væri 3 og að hann langaði svo að spjalla við mig. Tek það fram að ég hef 2 sinnum áður séð þennan strák og það var sama daginn, þá var ég að fara í þvottahúsið og alveg dauðbrá þegar hann kom út úr herberginu sínu. Hann var alveg miður sín núna yfir að vera alltaf að bregða mér því hann langaði ekki að ég mundi deyja! Ég lofaði að spjalla við hann seinna og skreið aftur í bólið en hef ekki getað sofnað aftur. Sennileg ástæða er sú að ég sofnaði klukkan 16 í gær því ég gat ekkert sofið aðfaranótt föstudags. Gaman að þessu...

...þá er ég orðin hrein og fín, skellti mér í sturtu aldrei þessu vant! Hahahaha Var líka svo dugleg að henda í þvottavél og gef skít í að klukkan sé að verða hálf tólf. Fyrst að það er ekki hægt að skrá sig á þvottatíma verð ég bara að þvo þegar vélin er laus og hún er nánast undantekningarlaust upptekin þegar ég fæ þvottaáráttu. Var kannski ekki beint áráttan sem rak mig í þvottahúsið núna heldur sú hryllilega tilhugsun að ég á bara 2 hrein handklæði og langar alls ekki að það verði ekkert hreint, sem mundi gerast eftir nokkra daga.

Var annars að spjalla við mömmu í gær, hafði ekki heyrt í kerlingunni í einhverja 9 daga. Hún kom með þær ágætu fréttir að að þau mundu kannski bara bjóða mér austur um páskana. Blönkuvælherferðin hefur sem sagt haft einhver áhrif á þau, hafa ekki viljað halda eina páska í viðbót án yndisfögru og ákaflega skemmtilegu einkadóttur sinnar...

...konan bara vöknuð og það fyrir rúmum klukkutíma! Þið sem þekkið mig gætuð spurt ykkur sjálf "hvað kom eiginlega fyrir?" og ég get heiðarlega svarað að ég hef bara ekki hugmynd um það. Varð jafn hissa sjálf þegar náttúrulega vekjaraklukkan eða eins og hún heitir í daglegu tali þvagblaðran tók til sinna mál og henti mér fram úr rétt rúmlega sex. Mín var ekki sátt eins og gefur að skilja!

Annars er best að blogga fallega og kurteislega um matarboð gærkvöldins fyrst að litlu dýrin eru komin með slóðina að þessari síðu! ;) Okkur Gunna var sem sagt boðið í mat til foreldra hans eins og síðustu sunnudaga. Þeir sem mig þekkja sem eru víst alveg þónokkrir vita að ég slæ aldrei hendinni á móti ókeypis mat, það er bara ekki forritað í mig. Hef samt tekið eftir að það er alltaf eitthvað að veðri þegar okkur er boðið til þeirra, fyrst var brjálað rok, næst snjóbylur og í gær mjög dimm þoka á Reykvískan mælikvarða. Bara spennandi að vita hvernig veðrið verður næst. Fengum þessa dýrindis heimatilbúnu pizzu sem ég tróð í mig af bestu lyst þrátt fyrir að vera alveg að sprina á limminiu sökum fýluosts, kex og nammi sem var mjög skemmtilega stillt upp beint fyrir framan mig. Það var ekki stoppað þarna heldur voru skornir niður ávextir og búin til skyrberjaappelsínusósa og borðað í eftirrétt. Ananasinn frægi naut langmestra vinsælda nærstaddra og þurfti sjálfur gesturinn hálfpartinn að slást við þau systkinin til þess að fá svo mikið sem einn ananasbita!! ;)

Konudagurinn var víst í gær og eins og ég spáði voru engar gjafir eða blóm *sniff sniff* en fullt af knúsi. Var reyndar tilkynnt klukkan 00:01 að nú væri þessi dagur formlega búinn og þar með öll fríðind, sem áttu víst að fylgja þessu degi en ég tók ekkert sérstaklega eftir, búin. Konan tók til sinna ráða, setti upp skeifur og kreisti fram tár og fékk sitt fram eða var það einhvernveginn öðruvísi? *Hux hux*

Sjitt vissi ekki að ég hefði svona mikið að segja, ég sem er yfirleitt alltaf svo fámál *hóst* en verð að koma einu að. Þrátt fyrir að ég fengji ekki neinar gjafir frá "manninum mínum" þá fékk ég gjöf frá mömmu hans Gunna sem var að koma af ráðstefnu í Budapest. Það kom mér skemmtilega á óvart því ég bjóst alls ekki við þessu. Fékk sett af 5 Christian Dior glossum sem er nú ekkert slor og þau eiga eftir að koma að góðum notum! :D Takk takk takk takk fyrir mig...

...ligg hérna heima hjá Gunna og bíð meðan hann er í baði. Hef verið róleg alla helgina og það er bara fínt. Er reyndar að fara að drekka einn bjór núna en bara einn og horfa á bíómynd og kúra mig eins og ég hef gert í mest allan dag. Ekki amarlegt það! :) Svo er bara konudagurinn á morgun, ég á víst að fá fullt af athygli og svo er okkur boðið í mat til foreldra hans. Heppna ég hvað þau eru viljug að bjóða í mat því þá fæ ég amk eina heimalagaða máltíð á viku! :) Hef samt ekki mikla trú á fullt af blómum og gjöfum en alveg fullt af faðmi klikkar svo sem aldrei...

...líður eins og ég sé með sand í augunum núna. Er að drepast úr þreytu því ég vakti alltof lengi við að lesa í sænsku skáldsögunni minni sem er að verða alveg þræl spennandi. Hefði alveg getað lesið lengur en píndi mig til að setja bókamerkið í hana og leggja hana í gluggann og það kostaði mikið erfiði. Eftir það lá ég lengi og hugsaði um bókina, ekki það að þetta sé svo merkileg bók en hún á samt allan minn huga þessa dagana.

Langaði í nammi áðan en eitthvað fólk sem var svo duglegt að vera úti að skokka í hádeginu eyðilagði það mjög snögglega. Bölvaða duglega fólk sem hleypur um brosandi og er heilsan uppmálað meðan ég sjálf er grá og guggin og ósofin! Tókst samt að taka eina skynsamlega ákvörðun í gær svona heilsulega séð og hún var að kaupa mér pastasalat og vínber í staðinn fyrir hamborgara og franskar. Duglega konan, aldrei þessu vant...

...líður eins og ég sé með sand í augunum núna. Er að drepast úr þreytu því ég vakti alltof lengi við að lesa í sænsku skáldsögunni minni sem er að verða alveg þræl spennandi. Hefði alveg getað lesið lengur en píndi mig til að leggja setja bókamerkið í hana og leggja hana í gluggan og það kostaði mikið erfiði. Eftir það lá ég lengi og hugsaði um bókina, ekki það að þetta sé svo merkileg bók en hún á samt allan minn huga þessa dagana.

Langaði í nammi áðan en eitthvað fólk sem var svo duglegt að vera úti að skokka í hádeginu eyðilagði það mjög snögglega. Bölvaða duglega fólk sem hleypur um brosandi og er heilsan uppmálað meðan ég sjálf er grá og guggin og ósofin! Tókst samt að taka eina skynsamlega ákvörðun í gær svona heilsulega séð og hún var að kaupa mér pastasalat og vínber í staðinn fyrir hamborgara og franskar. Duglega konan, aldrei þessu vant...

...valentínusardagurinn í dag og ástin liggur í loftinu. Bara gaman að því! :) Ég hef svo sem ekkert voðalega rómantískt planað en skilst að það eigi að gefa mér eitthvað fóður og svo bara hangsa. Býst nú við að sofna snemma aldrei þessu vant sökum mjög lítils svefns í nótt. Ég var sófadýr hjá Ingu og Klemensi því ekkert okkar var reddý í svefn, reyndar stakk Inga okkur Klemens af um 5-leytið en við skemmtum okkur konunglega tvö ein með kaffi í bolla og Queer as Folk í tækinu. Það var sem sagt smá skólaskróp í dag en það er alveg ok því það var ekkert svo mikill skóli hjá mér.

Annað í fréttum er það að ég mundi loksins eftir að kaupa mér uppþvottabursta og alveg kominn tími á það. En fyrir þá sem ekki vita þá hvarf gamli uppþvottaburstinn minn á mjög dularfullan hátt. Það er þrennt sem kemur til greina, gleymdi honum í svítunni þegar var verið að gera við gólfið hjá mér, einhver stal honum eða þá að ég hennti honum. Býst sterklega við að ég hafi gleymt honum því varla fer einhver að stela uppþvottabursta! Borða sem betur fer ekki mikið heima hjá mér þannig að þetta reddaðist alveg. En já ég veit, þetta hljómar subbulega...

...sit hérna og reyni að finna mér eitthvað að gera í tölvunni þangað til CSI byrjar. Rocky er í sjónvarpinu en þar sem ég missti af fyrsta klukkutímanum nenni ég skiljanlega ekki að fylgjast með henni! Vorum í mat hjá foreldum hans Gunna og það var svo gott. Borðið svignaði næstum undan öllum matnum og ég er ennþá alveg að springa. Fékk svo að skoða fullt af myndum og auðvitað var aðeins rætt um ættir og uppruna og ég fann kafla um langafa minn í bók um fólk frá austur-Skaftafellssýslu. Frekar skemmtilegt hvernig fjölskyldurnar okkar tengjast án þess að við séum eitthvað skild.

Annars var alveg óvart djammað alveg helling um helgina þannig að planaða afslöppunin fór alveg út í veður og vind og ég er dauðþreytt og hálf þunn með tremma og allan pakkann. En óneitanlega eru svona djömm sem eru alveg óplönuð alveg hroðalega skemmtileg og þetta var tvöfalet skemmtilegra því ég fór út bæði kvöldin *roðn* En eyddi nánast engu eins og venjulega svo þetta er ekkert voðalega hættulegt...

...þá er ég búin að fá út úr blóðprufunum ógurlegu sem ég fór í í síðustu viku. Þar kom ýmislegt undarlegt í ljós og læknirinn hristi bara hausinn og sagði að ég ætti að fara í aðra prufu eftir svona 2-3 vikur. Það voru sem sagt einhverjir þættir þarna sem pössuðu bara alls ekki saman en hvað get ég sagt og gert við því? Nákvæmlega ekkert, svona er bara blóðið mitt og ekkert múður með það.

Var aldrei þessu vant sofnuð á kristilegum tíma í gær, konan búin að bursta um hálf eitt, setti spólu í tækið og steinsofnaði en það var ekki lengi. Fólk er víst ekki vant því að ég sofni snemma því um 2 leytið var hringt. Það var einhver einmanna maður í símanum sem fannst rúmið sitt svo tómlegt og auðvitað sá ég aumur á honum og leyfði honum að gista enda ákaflega góðhjörtuð og léttlynd manneskja!! ;) hehehehehe. Versta var að símhringjarinn svaf eins og steinn og hraut eftir því meðan aumingja ég var andvaka til að verða 6. Dagurinn í dag fer sem sagt í að halda mér vakandi, horfa á Idol, horfa á video og borða nammi. Á sennilega eftir að sofna yfir videoinu en þar sem ég býst við því gerist það alveg pottþétt ekki...

...leti kvöld í kvöld. Át rosalega hollan kjúkling áðan á...Kentucky...hej það er kjúklingur og hann er hollur!! Er sko að reyna að sannfæra mig áður en ég dey úr samviksubiti. Sérstaklega þar sem ég fékk mér smá nammi í eftirrétt...og forrétt. Góður dagur sem sagt. En mér finnst ég hafa átt það skilið því þegar ég vaknaði klukkan 9 í morgun var mér svo hrikalega óglatt að ég gat varla staðið í lappirnar. Lagðist á skítuga baðherbergisgólfið mitt og hafði það gott, kalt baðherbergisgólf er best þegar manni líður illa. Náði svo að skríða upp í rúm og ætlaði að vekja Gunna til að láta hann vorkenna mér en náði að hemja mig á síðustu stundu og fór aftur að sofa. Núna sit ég bara alein í tölvunni og horfi á sjónvarpið með vinstra auganu. Er að reyna að hafa mig í að skipta á rúminu en það gengur eitthvað illa en náði amk að hífa mig upp úr stólnum og setja í þvottavél og borga leiguna. Semsagt stór dagur í dag...

...ahhhh mín er södd og sæl eftir saltkjöt og baunir hjá foreldrum Gunna. Mjög gott að fá baunasúpu og sérstaklega í svona ömurlegu veðri eins og er í dag. Svo voru bollur og spjall í eftirrétt og ég send heim með súpu í dollu til að borða á morgun, ekki leiðinæegt það.

Klemens hélt upp á afmælið sitt í gær, orðinn 25 ára karlinn. Hann bauð upp á bollu og meðlæti og daman varð voða skemmtileg amk að eigin áliti. Skelltum okkur auðvitað í bæinn þar sem ég ætlaði aðeins að skreppa til Gunna og fara svo að hitta krakkana en varð svo hroðalega syfjuð að ég fór bara heim. Það var samt örugglega klukkutíma biðröð í taxa þannig að ég var ekki komin heim fyrr en um hálf 5. Það sem bjargaði algjörlega þessari bið var fólkið sem var fyrir aftan okkur í röðinni, við spjölluðum heilmikið við þau og skemmtum okkur konunglega. Ég lofa að vera aktívari á djamminu næst þegar ég fer, það er bara einhver óstjórnleg þreyta sem hrjáir mig þessa dagana - sem og aðra!! En hvenær næsta djamma verður veit nú engin því blankan ógurlega er í heimsókn og virðist ekkert vera á förum! :(

Núna sit ég bara alein heima og hef það næs og maula brjóstsykursinn sem ég keypti fyrir rúmri viku. Held að það sé samt alveg að koma tími á tannburstun og kannski svona 2 þætti af 24...

...bíómyndaglápið heldur áfram og í gær var horft á Old School sem var alveg ágæt bara. Var svo heppin að maðurinn bauð í heimatilbúinn mat og var brunað í bæði Krónuna og Nóatún. Í Krónunni festu þeir félagar kaup á samtals 40 núðlupökkum því þeir voru á tilboði á 9 kr stk. Þeir sjá greinilega fram á blankan mánuð!!! Enda ekki von að fólk sé blank eftir að hafa keypt 5 kjúklingabringur á næstum því 2000 kall. Mér var brugðið enda hef ég ekki fest kaupa á kjúkling síðan ég var í Svíþjóð. Bringur sem þar voru étnar í öll mál eru á sunnudagssteikurverði hérna, jesús minn góður! Sem betur fer var þetta herramannsmatur sem maðurinn galdraði fram með smá brasi og afskiptum frá aðstoðarkokkum í ýmsum stærðum og gerðum ég gerði samt minnst af því. Hefði líka verið hrikalega að leggja peninga í svona stóra fjárfestingu og þetta hefði bara verið óætur andskoti, ég segji ekki annað...

...svolítið stressandi atburður átti sér stað í dag, ég hitti foreldra og litlu systur hans Gunna. Hefði kannski átt að vera aðeins stressaðri því þau virkuðu mjög indæl og fín. Hafi bara ekki tíma til þess að stressa mig almennilega upp því ég frétti bara af hittingnum ca hálftíma áður en hann átti sér stað. Gunni var nefnilega að borða hamborgara á American Style og þá hringdi mamma hans og hafði ætlað í heimsókn til hans svo þau skelltu sér bara til okkar. Ég var reyndar stillt aldrei þessu vant og var búin að borða skyr.is-drykk og banana svo ég stal bara nokkrum frönskum! :D Þá er ég búin að hitta alla fjölskylduna hans sem er fínt, ágætt að það sé afstaðið svo ég geti verið stressuð yfir einhverju öðru.

Geri annars lítið annað í frítíma mínum þessa dagana en að horfa á bíómyndir. Skellti mér í 6-bíó í gær með Jónu og Klemensi og sá Cindarella Story. Voðalega sæt og skemmtileg stelpu mynd sem náði að kreista nokkur tár út úr mér. Hefði samt aldrei farið á hana nema af því hún var á 300 kr á stelpudögum. Kom svo heim og horfði á Anchorman með Gunna, frekar vitlaus en fyndin mynd. Já já gaman að því að ég á mér ekkert líf en er amk að vinna upp bíómyndamissi síðustu ára og mánaða...

...já já hroðalega góð helgi að baki. Föstudagskvöldið var frænkukvöld þar sem við Gyða horfðum á idol, spjölluðum og borðuðum smá nammi. Var komin heim fyrir miðnætti, og sat og hrofði á sjónvarpið og hékk í tölvunni og spjallaði á msn. Mjög gott og afslöppunarvænt.

Laugardagskvöldið var vinkonukvöld. Við Inga Hrefna pöntuðum pizzu, leigðum video og keyptum smá nammi og höfðum það hroðalega gott. Rölti svo heim um 2-leytið og var í 25 mínútur að því sökum ofáts og magaverkja en ég komst heim á endanum. Fékk svo hroðalega fullan afmælisfara í heimsókn sem sagði ýmislegt skondið og skrítið sem ég veit ekki hvort er birtingarhæft.

Í gær var svo legið í afslöppun þangað til það var komið að því að næra sig. Þá héldum við 5 stykki á krude-thai eða hvað staðurinn heitir og átum og hlógum yfir okkur áður en rúmlega helmginurinn hélt í bíó. Var loksins að sjá Bridget 2 sem er voðalega fyndin og sæt mynd en aðeins of fyrirsjáanleg á köflum.

Í dag á svo að hitta Klemens og í kvöld er planað að kíkja á einhverjar bíómyndir og hafa það nice. Ætla samt að reyna að sleppa nammin enda hefur verið innbyrgt aðeins of mikið af því síðustu daga!

Þá er hroðalega ítarlega blogginu mínu í dag lokið, alltaf gaman að tíunda allt sem hefur drifið á daga manns. Sumum finnst það víst alveg nauðsynlegt...

...ekki ennþá orðin nógu góð af þessari flensu, djö...helv...ansk...hef verið veik í næstum 3 vikur samanlagt!! Svo verkefni dagsins eru: fara til læknis, kaupa nammi, horfa á Idol. Gott plan og á vonandi eftir að takast að framkvæma þetta allt saman. Þyrfti líka að hendast á pósthúsið og búð en get auðvitað hent smá mat í körfuna um leið og ég kaupi godiset! :)

Svaf illa í nótt, alltaf að vakna og var heitt og þurfti að pissa og allur pakkinn. Held að það hafi aðallega stafað af ofáti, borðaði cocoa puffs, kentucky, kúlusúkk og snakk allt á ískyggilega stuttum tíma. Það voru læti í maganum þegar hann var að reyna að vinna þetta allt og nokkur rop á heimsmælikvarða heyrðust yfirgefa litla kroppinn. Fékk hrós fyrir þau, strákum finnst víst voðalega gaman að heyra litlar stelpur ropa stóru-karla-ropi. Já einfaldar verur ekki satt?

Svo kom draumurinn ægilegi í morgun. Ég og Inga vorum saman í herbergi og sturtan var rétt fyrir aftan rúmið og allt í rusli og drasli hjá okkur. Hún var að safna fólki sem hún þekkti á dagatal sem á afmæli í apríl og vildi fá 2 á hvern dag, vantaði bara 30 og hún var hæstánægð. Svo ákvað hún að fara á einhverja braut í staðinn fyrir að taka allt frístandandi og þá þurfti hún að taka stærðfræði þar sem þurfti að nota eðlu. Fyrst var eðlan ponsu lítil en stækkaði fljótt og varð risa vaxin en samt geymd í fötu! Mér bauð við henni því hún var heit og ég vildi ekki að hún gengi laus í herberginu þegar við værum þar og vildi alls ekki hafa hana í rúminu!! Þegar ég spurði hversvegna hún þyrfti eðlu í stærðfræði var svarið að það væri svo gott að telja plöturnar á þeim!!

Ruglumbull og ég var fegin þegar ég vaknaði einu sinni en til að pissa...

...konan orðin nokkuð hress en ennþá heima. Er samt að hugsa um að svíkjast aðeins um og skreppa útí nokkrar mínútur í kvöld, uss ekki segja neinum!! Hef ekkert gert undanfarið annað en að liggja og horfa á video og sjónvarp og borða óhollt og nálgast örugglega óðfluga 200 kg, vona að ég komist með góðu móti út úr húsinu!! Ekki gaman ef það þyfti að fara að brjóta niður veggi svo kerlan kæmist út í sjoppu! ;)

Annars ekkert sérstakt planað í kvöld, er samt að hugsa um að klæða mig svona til tilbreytingar. En á morgun ætla ég að troða mér til Gyðu að horfa á Idol...

...jeij er öll miklu hressari í dag en í gær. Ætli hálf stór pizza með pepperoní, hakki, sveppum og piparosti, 2 l kristall, súkkulaði og fyrsta seasonið af 24 hafi hresst mig við eða ætli þetta sé bara að ganga yfir? Hef ekkert horft á 24 nema hálfan þátt ca tvisvar sinnum og ég verð bara að segja að fyrstu 5 þættirnir eru skemmtilegir og spennandi og þetta lofar mjög góðu. Hef þá amk eitthvað að gera í kvöld og á morgun en vonanst til að komast út hinn daginn.

Er alveg að deyja úr skyndibitaleysi en tími ekki að kaupa mér, er að reyna að spara síðustu krónurnar bara svona af því bara. Eiginlega engin betri ástæða fyrir því en af því bara er ekkert verri ástæða en hver önnur! Finn alveg bragðið af kjúlla-pizzu eða af Kentucky singer-tower borgara en ísskápurinn segir að ég eigi að borða brauð með skinku og osti. Ég og ísskápurinn erum aldrei sammála um hvað eigi að borða...

...mér varð að ósk minni í gær, Gunni kom ekki með mynd sem ég hafði séð. Drengurinn kom askvaðandi með Shaun of the dead sem er mjög skondin, skrítin og skemmtileg mynd. Stalst svo út í nótt um 2-leytið og fékk mér pylsu með kartöflusalati á Select *nammi namm*. Var orðin mjög svöng í eitthvað feitt og gott enda er ég oftast best af flensum á nóttunni. Hef svo legið í rúminu í allan dag og sofið sem er ágætt því annars hefði ég örugglega verið grenjandi úr leiðindum og verkjum. Djöfull er leiðinlegt að vera veik, gæti alveg hangið inni og horft út í loftið þegar það er ekkert að mér en um leið og flensa sest að í líkamanum fyllist ég löngun í að fara út og hanga allan daginn, hitta fólk og sitja á kaffihúsum og matsölustöðum. Aldrei getur maður verið ánægður með það sem maður hefur!

Er farin að taka hita- og verkjastillandi svo ég verði semi-hress í kvöld. Langar að borða eitthvað en er ekkert svöng og svo er líka svo vont að kyngja. Eru ekki allir örugglega að vorkenna mér gríðarlega og senda mér góða "láttu þér batna" strauma...

...það rættist úr gærdeginum. Lék við Klemens og hann bauð í heimatilbúna pizzu sem var svo góð að hún hefur örugglega dottið af himnum og beint í bakaraofninn *jömmers*. Svo var strætóast heim til að gera mig sætari fyrir afmælið sem ég ákvað að skella mér í því ég var svo hrikalega hress. Það var æðilsega gaman, skemmtilegt og hresst fólk og fullt af bjór og dótaríi til að éta þó ég léti þa ðsíðarnefnda nánast í friði. Svo bara djamm í bænum og frekar snemma heim, þar sem upphófst mikið spjall og grín um kjóla og hitt og þetta sem tja lá eins og hráviði um allt húsið. Bara gaman að því sko! :) Kostnaður kvöldins var 0 krónur því ég fékk allt frítt og keypti ekkert á barnum og þannig finnst mér auðvitað að þetta eiti alltaf að vera.

Dagurinn í dag hefur ekki verið eins góður því ég er fárveik. Þetta er í fyrsta skiptið sem ég hef óskað þess að ég væri þunn en nei mín er með flensu og læti bara, hálsbólga, vöðvaverkir og allur pakkinn. Held mér uppi á verkjatöflum sem ég er ekkert voðalega hrifin af en það er skárra en að liggja grenjandi úr verkjum einhverstaðar úti í horni. Sé fram á svona viku í rúminu miðað við hvernig mér líður núna en vona auðvitað og óska að tíminn verði styttri.

Þarf að fara að búa mig undir video-gláp, sem er ekki leiðinlegt, vona bara að Gunni velji ekki einhverja af þeim örfáu myndum sem ég hef séð...

...gaman í dag, er svo hrikalega slöpp! :( Tók reyndar 2 treo áðan og er sæmileg núna en eftir ca 2 tíma verð ég aftur slöpp, ég veit það bara. Verð að reyna að halda mér sæmilegri í dag svo ég komist í þetta blessaða afmæli, fer þá bara ekkert í bæinn. Rölti til Nedda í gær, kom færandi hendi með kjötbollur, sósu og salat og eldaði handa elskulegum frænda mínum. Mjög fínt að fá alvöru heimamat svona annað slagið, kýldi vömbina vel því það er örugglega frekar langt í næstu svona máltíð. Glápti á Idol, blaðraði við fólkið og drakk 1 bjór sem ég skildi eftir síðustu helgi, var reyndar búin að að gleyma honum en frændi var svso góður að minna mig á hann! :) Fór svo bara snemma heim og horfði á hina bráðskemmtilegu mynd the Incredibles. Hún var alveg hrikaleg fyndin og mig langaði mest til að ýta aftur á play þegar hún var búin en klukkan var orðin alltof margt.

Er núna alveg að fá hálsríg því ég er að tala í símann og blogga bæði í einu, er svo hrikalega fjölhæf! Gaman ef ég kemst í afmælið, með hausinn út á vinstri öxlina og föl eins og afturganga...

...ekkert að gerast hérna megin, hef lítið gert nema hanga og horfa á bíómyndir og kvarta ekki yfir því. Fékk höfuðverkjakast frá helvíti í gær og lá bara fyrir og ég kvartaði helling yfir því. Var að verða vitlaus á þessu en er sem betur fer betri í dag. Helgin, tja já helgin, hvað á að gera um helgina?? Býst við afslöppun í kvöld, þarf að þvo og svoleiðis svo ég þurfi ekki að ganga um brókalaus í afmælinu sem ég er örugglega að fara í á laugardagskvöldið. Eitt vandamál við þetta afmæli, ég veit ekki hver á afmæli, bara gaman að því sko!!! Fékk hálfgert stresskast áðan og fór í gegnum fataskápinn og snyrtibudduna í huganum. Fann samt ekkert sem mig langar sérstaklega að fara í, verst að eiga ekki peninga til að kaupa eitthvað skemmtilegt. En ég hlýt að geta grafið upp eitthvað rosalegt pæjudress út úr skápnum, það er amk nógu mikið í honum svo eitt þrusu pæjudress ætti að geta leynst einhverstaðar baka til.

En jæja idol í kvöld, ætli Neddi frændi leyfi liltu frænku að glápa? Já það er aldrei að vita...

...hmmmm alltaf nóg að gerast hérna megin. Löggudrama á Grensás í gær, verið að rekja símtöl og skoða eftirlitsmyndavélar og ég veit ekki hvað og hvað beint fyrir framan hurðina að herberginu mínu. Mér var nú hálf brugðið en er líka að deyja úr forvitni og verð að reyna að grafast fyrir um þetta mál svona þegar allt verður farið að róast.

Við Klemens vorum meiriháttar lúserar í gær og fórum í Ikea sérstaklega til að fara í kaffiteríuna. Þar fengum við kaffibolla og muffins fyrir 90 kr og vorum við bara mjög sátt við það, enda var muffinsið svo stórt að varla þurfti að borða kvöldmat. Held samt að það hljóta að hafa verið eitthvað vafasamt í því miðað við hegðum okkar eftir átið en töum ekkert meira um það. Varð svo ungfrú vinsæl og fór á kaffihús með Hildi Jónu og svo eftir það á bíómynda-kvöld. Bara skemmtilegt og gaman en myndirnar voru frekar langar svo augnlokin voru mjög þung í morgun og ég man ekki einu sinni eftir því þegar klukkan hringdi.

Þvottavélin bíður spennt eftir að ég taki úr henni svo ég er rokin...

...já já já þá er helgina að baki og var hún viðburðarrík að vanda. Skellti mér auðvitað á hörku djamm bæði kvöldin en tókst að eyða nánast engu og það er bara plús enda eru peningarnir ekkert að sprengja veskið þennan mánuðinn. Krassaði í sófanum hjá Ingu og Klemensi á föstudagsnóttin og skrapp svo bara heim á laugardagskvöldið til að gera mig gordjös fyrir næsta djamm. Bara stuð á okkur enda er ég ennþá þreytt, var sem betur fer ekkert þunn!

Annars er ég eitthvað voðalega andlaus núna, langar mest að hoppa í bælið og leggja mig en það er víst bannað enda fæ ég sennilega legusár ef ég hætti ekki þessu endalausa "leggja mig". Úúúúúúú Guiding Light er byrjað fyrir 10 mínútum svo ég verð að þjóta...

...akkúrat núna langar mig að gera ekki neitt eins og ég er vön á kvöldin og hef reynt að halda sem fastast í það. En verkefnin hringsóla yfir höfðinu á mér eins og soltnir hrægammar. Sko þarf nefnilega að koma herberginu mínu í sæmilegt stand fyrir helgina og því fylgir að klára að pakka því sem ég ætla að reyna að senda austur á morgun. Ef ég sendi draslið ekki þá get ég ekki gert herbergið íbúðarhæft alveg strax og það er eiginlega ekki inni í myndinni! Ég sem hata að þrífa er með kláða í puttunum mig langar svo að rífa í ryksuguna og þjóta með hana um allt herbergið og láta skúringa moppuna fylgja fast á hæla hennar. En þetta verður auðvitað ekki gert fyrr en eftir afþurrkun, þrif á baði og skiptingu á rúmfötum. Þetta er svo ókunnugar hugsanir fyrir mig að ég hálf hljóp út í búð að kaupa snakk til að reyna að hægja aðeins á þeim. Já því framkvædirnar eru bara byrjaðar í huganum og þar er ég ferlega glamúrus og sexy með ryk í hárinu og sót á kinninni og glæsimenni kemur og þurrkar það blíðlega af og kyssir mig létt! Ahhhhh aðeins í draumunum, aðeins í draumunum!!!

Ps. veit einhver um ódýra og góða ræstingaþjónusu... ;)

...var akkúrat í þessum skrifuðu orðum að flytja aftur inn í litla herbergið mitt eftir rúma viku í lúxusnum. Allt í rusli og klukkan orðin alltof margt eins og venjulega. Nenni ekki að koma mér fyrir en verð víst að gera eitthvað smotterí, amk ryðja rúmið og búa um. Verð svo að fara að koma draslinu mínu frá Svíþjóð austur því það gengur bara alls ekki að vera með allt fullt af pappakössum hérna út um allt, þetta er nú ekki svo stórt herbergi. Probblemmið eru bara aurarnir svo ef einhver vill styrkja mig á sá hinn sami að hafa samband við mig! ;) Mamma??? Pabbi??? EINHVER??? Ég grátbið ykkur!!!!

Það sem hér á eftir fer er tileinkað Magdalenu Kristínu...mannstu hvað við vorum að tala um í dag??? ;)

Svo er hún Madda bara að fara aftur til Svíþjóðar á morgun, heppin hún og góða ferð. Ég fer í skólann og fullt af vinum mínum að vinna. Ég ætla aftur á móti núna að fara að leggja mig, fer fyrst úr buxunum og svo úr öðrum sokknum og svo sörpræs úr hinum líka og skríð undir sæng. Ó mæ hvað ég er fyndin...hahahahaha... :D

...já já veit að ég á að vera farin að sofa fyrir löngu en svona er þetta bara. Annars hefur margt skeð síðan ég kom aftur í litlu stórborgina okkar. Byrjaði á því að þurfa að flytja á milli herbergja tímabundið sökum sprungins ofns. Ekki neitt voðalega gaman að því að koma heim og allt á floti og kassinn með sjónvarpinu og sá með geisladiskunum alveg rennadi blautir! Núna er búið að rífa parketið af og þurrka gólfið og ætli það sé ekki verið að setja það nýja á. Góða er að ég spara aðeins í leigu við þetta því auðvitað þarf ég ekki að borga viðgerðartímabilið og svo er ég í miklu betra herbergi núna og langar bara ekkert að flytja aftur í það gamla!!

Annað sem hefur gerst er að ég er byrjuð í skólanum. Byrjaði reyndar svo vel að fá magapest í gær, hélt hún væri búin en nóbbs, veik í nótt og morgun en frekar hress bara núna. Sem er eins gott svo ég geti byrjað fyrir alvöru að skólast og mætt í mjög svo þarfa klippingu á morgun.

Hmmmm já og svo var auðvitað djammað um helgina eins og mín er von og vísa. Skrapp út á föstudaginn og hitti hana Möddu. Það var bara gaman og hún kynnti mig aftur og aftur fyrir vinkonum sínum! ;) Gaman að því bara hahaha. Á laugardaginn leit allt mjög illa út á tímabili en svo hennti mín öllu í poka á mettíma og hljóp í strætó og fór að partýjast með Ingu Hrefnu. Þetta var skemmtilegt kvöld og mikið dansað og hlegið. En í staðinn fyrir að kvöldið endaði á Select til að éta eitthvað gott, vorum sko á ferðinni eftir klukkan 6:30 og allir löngu hættir að nenna að vinna á pizzastöðunum) þá endaði það á spjalli við góðan vin og ekki var það leiðinlegt.

Jæja ætla að fara að koma mér aftur niður og upp í rúm. Er sko í almenningstölvunni hérna því ég hef ekki netið í tímabundna herberginu því ég ákvað að það væri gott að vera nánast netlaus í ca viku. Þessi tölva er yfirleit ekki laus nema um hánótt og tja var reyndar ekki laus þegar ég kom upp. En mér tókst að gefa óvart frá mér ohhhhh hljóð upphátt þegar ég sá manninn í tölvunni svo hann hætti snögglega og sagði að ég mætti nota hana. Ég þakkaði mjög skömmustulega fyrir mig eftir að ég var búin að reyna að segja honum að þetta væri allt í lagi!! :S

Jæks er farin, góða drauma...

...hmmmm svona hvað gerðist merkilegt á síðasta ári listi kemur kannski seinna ef ég nenni.

Djammið og ballið í gær var fínt. Við Klemens, Herdís og Sigga sátum í eldhúsinu hjá Klemensi og sumbluðum, töluðum hátt og hlustuðum á íslenska slagara áður en við börðumst á móti vindi á ballið. Áður en við fórum þurfti Klemens einu sinni ef ekki tvisvar að fara út og festa jólaseríuna en hún sýndi víst á sér eitthvað fararsnið. Við mættum á ballið frelar snemma og það er siður sem ég ætla ekki að fara að taka upp því ein ung dama reyndi að klína á mig aldursforsetatitlinum en ég var fljót að benda á að Klemens karlinn er næstum 2 mánuðum eldri en ég. Stuttu seinna kom svo slatti af eldra fólki og mér var létt! :) Eftir ball var svo skundað yfir á hótelið og djammað, sungið, trallað og rallað eitthvað lengur áður en húfunni var skellt á hausinn og sjalið yfir og bundið um hálsinn í sveitakonu stíl. Arkaði heim alein í roki en það var bara hressandi fyrir utan hvað mér var kalt í framan. Kom heim og varð þá alveg hrikalega full, sennilega hitinn og blaðraði heillengi við Öldu í símann sem var á þeim albesta skemmtistað Reykjavíkurborgar BSÍ. Lá svo sauðdrukkin og horfði á bíórásina þegar pabbi vaknaði og fór að laga sér te, ákvað að þá væri kominn svefntími og svaf alveg til hálf fimm og lagði mig svo aftur eftir það! :)

Hitti samt enga sem áttu skilið að vera barðir með háfétinni peru þannig að hún kom aftur með mér heim ónotuð og bíður betri tíma. Þær manneskjur létu annað hvort ekki sjá sig úti eða eiga hreint ekki heima í þessum firði!! Sumar manneskjurnar eiga heima í Reykjavík svo passið ykkur bara...

...þá er verið að reyna að ákveða hvort stefnan er sett á sturtu, bjórþamb og út á lífið eða á nammipoka, teppi, sjónvarp og sófa. Langar það fyrrnefnda en það síðarnefnda lokkar líka enda er ég ennþá á náttfötunum og með illt í maganum. Held að ég hafi samt gott af því að lyfta mér aðeins upp áður en alvara lífsins tekur við. Jú jú það er stundarskrárafhending á miðvikudag og svo er bara skóli skóli á fimmtudag. Gaman að því að næst þegar ég fer á djammið verð ég almennileg menntskólamær og ætti að vera vinsæl eftir því! Hahahaha gaman að þessu. Held samt að ég ætti að koma mér úr þessari hrikalega illa lyktandi ullarpeysu minni og hoppa undir bununa þá er ég amk búin að því ég ég skildi hendast á skrallið...

...verð að muna að taka með mér hálfétna peru ef ég skildi lenda í slagsmálum... ;)

...kæru vinir, gleðilegt nýtt ár og takk fyrir allar skemmtilegu stundirnar á árinu sem er að líða. Hlakka til að sjá ykkur öll hress og kát á nýju ári, ári sem lofar bara nokkuð góðu...

...ég er alveg að afinternetast hérna en verð sennilega fljótt háð því aftur þegar ég kem suður.

Jólin hafa verið róleg og þæginleg. Eitt djamm afstaðið og annað bíður handan við hornið. Það var spilamennska og drykkjuskapur á annan í jólum og svo mikið blaðrað að ég komst aldrei á barinn. En fyrirpartý og eftirpartý blívar fínt og ekki hægt að eyða krónunum í vitleysu þar. Brandari kvöldsins var samt þegar Ásta var að sýna mér húsið, síðast fékk ég að sjá hjónasvítuna með loforði um að ég hefði lágt. Daman lofaði því þó erfitt væri að standast það, eftir að hafa gægst inn spurði hún hvort hún mætti ekki aðeins kíkja á einkasoninn á heimilinu og fékk góðfúslegt leyfi til þess. Hallaði hún sér þá vel yfir hjónarúmið þar sem var ofurlítil hrúga, sný mér svo að Ástu og segji "æi ég sé hann bara ekki!". Ásta springur þá úr hlátri og bendir á að ég hafi bara verið að kíkja á sængina þeirra, barnið liggji bara í rúminu sínu. Ég hló svo mikið að ég gleymdi dömuháttunum sem venjulega fylgja mér og meig næstum á mig á gólfinu. Smekklegt ekki satt???

Varð annars fyrir þeirri mjög svo óskemmtilegu lífsreynslu að eyðileggja buxurnar mínar, það er samt ennþá á huldu hvernig það´gerðist því ekki var það á þessu blessaða djammi. Nýjar buxurnar sem hafa lítið verið notaðar og sjaldan verið þvegnar þar sem ég hef aðeins verið stoltur eigandi þeirra í rúman mánuð fundst götóttar á rassinum í herberginu mínu seint í nótt/snemma í morgun. Áfallið var gríðarlegt þar sem ætlunin hafði verið að spóka sig í þeim á áramótunum. Eitthvað hljóta þær að vera gallaðar því svona ungar buxur slitna bara ekki á miðri rasskinn en ekkert í klofinu. Ég hef kannski bara verið svona dugleg að veifa rassinum en get samt ekki svarað því sjálf því ég ber minn eiginn afturenda sjaldan augum! En vonbrygðin voru það gífurleg að konan felldi nokkur tár og safnaði saltinu samviskusamlega saman á gleraugunum og var það notað í matargerðina í kvöld! En áður en af því varð var haldið í héraðið og fest kaup á rándýrum buxum, það dýrum að konan er ekki viss um að hún tími að nota þær einhverntímann. Nær væri að vefja þær bómul og setja í glerkassa því þær hljóta að vera handunnar úr gulli og gimsteinum!! En nóg um það, konan mikið mun fátækari en þeim mun meiri pæja svo hún hlýtur að hafa unnið eitthvað á þessu eða hvað?

Jæja, fréttir af djammgæðum buxnanna verð ég að færa ykkur þegar einhver reynsla verður komin á þær, en ef reynslan verður ekki góð veit ég ekki hvað ég geri við buxurnar margumtöluðu...

...gærkvöldið var hrikalega vel heppnað. Góður matur, góðar gjafir og góðir gestir, gerist ekki betra. Hékk svo uppi og spjallaði við mömmu og pabba til að verða 2:30 þó ég hafi verið orðin alveg dauðþreytt um miðnætti. Það var bara eitthvað svo góð stemmning og þæginleg þreyta. Skreið svo upp í gamla góða rúmið mitt og hlustaði á vindinn. Náði að lesa kannski 6 síður í annari bókinni sem ég fékk en þá var ég orðin svo hrikalega rangeygð af þreytu að ég held ég sé með harðsperrur í augunum í dag af áreynslu! Frétti svo að það hafi verið hrikalega vont veður í nótt en ég varð ekkert vör við það, svaf eins og steinn og dreymdi vonandi eitthvað fallegt og skemmtilegt.

Svo var jólaboð hjá Lillu frænku og Gunnsa í dag en áður en það var hægt að fara þangað þurfti ég að fá mér ab-mjólk til að friða samviskuna og svo 3 kökusneiðar í eftirmorgunverð! :D Svo var bara hoppað í sparigallann og svo hlý föt yfir og arkað af stað niður í Lönguvitleysu til að borða ennþá meira og drekka heitt súkkulaði með! :)

Kvöldið hefur svo verið jafn rólegt og öll kvöldin síðan ég kom hingað. Bara sitið og spjallað og horft á kassann í rólegheitunum. En þessi rólegheit verða að fara að enda áður en fjölskyldan fer að halda að ég sé alvarlega veik eða dauðvona svo það er planað að djamma annaðkvöld eins og venjan er á annan í jólum hér í bæ. Jeij hú hlakka til en áður en það getur gerst þarf ég að borða graflax, kalkún og franska súkkulaðiköku. Ekki leiðinlegt það...

...jæja þá eru alveg að koma jól. Amma Gústa var að renna í hlaðið og jólailmurinn farinn að læðast um húsið. Var að enda við að horfa á hina stórgóðu mynd Chockolat og hafði mikið gagn og gaman að, hló og grét og allt þar á milli. Hef ekki gert neitt af viti í dag enda ekki veirð þörf á því. Skrapp í jólagraut og eplaskífur til Gunnars Árna og Ágústu, þetta var gott eins og alltaf og engin vonbrygði þar. Ragga var svo ósvífin að fá möndluna þó ég væri búin að panta hana. Fannst ég eiga hana skilið þar sem ég hef ekki verið með þeim á jólunum síðan 2000. Ragga var nú samt svo góð að deila gjöfinni með okkur svo það er víst bannað að kvarta! :) Óli ga svo öllum smakk af tvíreyktu hangikjöti og það er bar ahreint út sagt himneskt!! Var að hugsa um að taka svolítinn Tomma og Jenna á það og skera lítinn bita og skilja hann eftir og taka lærið og éta það allt ein en það er víst ekki andi jólanna!

Annars eru jólakortin sem ég ætlaði að fá "lánuð" hjá mömmu ennþá ofan í poka óskrifuð en hver veit nema ég komi sjálfri mér og öðrum á óvart og sendi bara nýarskort. Þakka þeim sem sendu mér kort kærlega fyrir, það er satt sem sagt er, þau gleðja mikið! :)

Verð víst að fara að segja hæ við ömmu Gústu og koma mér svo í sturtu og í jóladressið.

Ég óska ykkur öllum gleðilegra jóla og farsældar á nýju ári með þökk fyrir allt það gamla og góða...

...jesús minn almáttugur hvað skatan var góð. Er alveg að springa úr seddu núna og býst við að nokkrir lítrar af vatni eigi eftir að renna ljúflega niður í kvöld. Annars hin besta Þorláksmessa, höfum sitið og spjallað og drukkið kaffi í allan dag og bara gert hluti sem maður þarf að gera alla aðra daga ársins líka. Sátum áðan og vorum hálf miður okkar yfir að vera ekki í neinu stressi og hafa ekkert að gera. Skondið, alltaf talað um að vera búin að öllu snemma og svo þegar það gerist er fólkið bara hálf eyrðarlaust!

Úff púff ég er að springa...

...Þorláksmessa í dag, amma Bogga hefði átt afmæli, jólaskapið lætur ennþá bíða eftir sér. Er búin að vera lasin síðan ég kom heim en hef samt harkað af mér og skúrað og þvegið og þrifið. Mamma mjög ánægð með mig og ég sagði henni að njóta þess því hver veit hvenær þetta ego af mér birtist aftur! Ætlaði að fara á kvöld unga fólksins á Öldunni í gær. Var sæmilega hress þangað til ég fór í sturtu, slappleikinn beið undir skítnum svo ég var bara heima með mömmu og pabba og slappaði af og spjallaði við þau. Var líka svo heppin að fá tvö glös af TiaMaria kaffi, rommrúsínuís og Nóakonfekt, bölvað sukk alltaf hreint!!

Annars er búið að gera allt hérna nema svona smá smotterí eins og að pakka inn örfáum gjöfum og skipta um eina ljósaperu. Svo er bara skatan í kvöld og mmmmm mmmm mmmm mmmm hvað ég hlakka til. Hef ekki smakkað svoleiðis góðgæti í 3 ár, fæ vatn í munninn við tilhugsunina.

Núna meiga jólin alveg koma en ég yrði hæstánægð ef jólaskapið mitt mundi mæta í bæinn áður en þau renna í garð...

...ég er komin heim í heiðardalinn, ég er komin heim með slitna skó...fallalalala osfrv.
Mætti í fjörðinn fagra í gærmorgun og var strax sett í skítverkin, tja eða ég bauðst nú til að ryksuga þar sem mér fannst ekki við hæfi að sitja og gera ekkert meðan mamma var uppi um allt að þurrka úr hillum í tölvuherberginu. Snérumst svo út um allt allan daginn og skreyttum svo jólatréið um kvöldið en ég bara kemst ekki í jólaskapið. Ég bara skil þetta ekki. Tékkaði aðeins á jólaljósunum í bænum og þau eru flott og mörg að vanda en ekki kom jólaskapið. Pakkaði inn nokkrum gjöfum en ekki kom jólaskapið. Spilaði endalaust af jólalögum en ekki kom jólaskapið. Er hægt að panta jólaskap á netinu?? Er samt glöð að vera komin heim, æðislegt að hitta fólkið mitt og borða heimilismat. Pantaði einmitt kjötfarsbollur í gær en endaði svo á að elda þær bara sjálf. Bollur, kartöflur, soðið hvítkál og laukfeiti, þetta gat bara ekki klikkað. Mér líður ennþá vel í maganum síðan í gær! :)

Lýsi hér með eftir jólaskapinu mínu. Finnandi vinsamlegast beðinn um að hafa samband við mig sem fyrst...

...djammið í gær var hroðalega skemmtilegt, kom heim rétt rúmlega 7 og búin að dansa af mér fæturnar á 22! :) Gummi kom við í dag og skilaði mér visa-kortinu mína. Fínt að fá það aftur þó ég ætli nú ekki að fara að nota það neitt að ráði. Ég er að myndast við að pakka niður, er að fara til Seyðisfjarðar eftir tæpa 5 tíma. Þetta er bara svo mikið af dóti að ég veit ekki hvernig ég á að koma þessu öllu fyrir. En sem betur fer kemur nú ekki allt til baka aftur. Nokkrar jólagjafir og eitt stykki ferðatæki með geislaspilara sem ég ætla að lána mömmu og pabba. Geislaspilarinn þeirra er nefnilega bilaður, ekki gaman að því. Er að henda tónlist inn í tölvuna svo ég hafi eitthvað að hlusta á um jólin og þá er bara að muna eftir að hlusta á hana, ég er voðalega gleymin stundum!

Úff nenni ekki að leggja lokahönd á niðurpakkið en verð víst að drífa það af. Er svo að hugsa um að vera rosalega villt á morgun og taka leigubíl á flugvöllinn. Ætlaði að taka strætó en held ég nenni því ekki fyrst ég er ekki sofnuð ennþá. Get þá sofið ca klukkutíma lengur! Jeiiijjjjjjj.

Jæja þá er Duran Duran komin á fullt í tölvunni og ég get bráðum skriðið í bólið. Hvort ég sofna verður svo bara að koma í ljós...

...getur einhver sagt mér afhverju ég sit hérna og blogga og skoða eitthvað rugl á netinu þegar ég á að vera í sturtu og að gera mig sætari fyrir kvöldið? Er að fara í lítið partý á eftir og er ekki að koma mér af stað í þessi "skemmtilegu" verkefni sem því fylgja. Var að Kringlast áðan og keypti bara nauðsynjar aldrei þessu vant. Hefur ekki gerst oft í þessum desember mánuði að ég hafi keypt eitthvað sem ég hef þurft og vantað. Var samt svekt að kaupa kremdollu á 1800 og eitthvað krónur en þetta vildi ég víst því mér finnst þetta gott krem...urg á verðlagið!

Fór í Hagkaup áðan og ætlaði að kaupa mér eitthvað smotterí til að eiga þegar ég kom heim. Sú hugmynd breyttist um leið og ég fattaði að það er laugardagur og allt nammi á nammibarnum á hálfvirði. Ég hoppaði í hálfhring og mokaði lakkrís með súkkulaði og þrist og allskonar gúmmelaði í poka. Ath. vantar stærri poka... ;) Núna er ég að gúffa í mig svo ég verði örugglega útblásin og sexy í kvöld! Hahahaha

Well, verð víst að fara að hafa mig til og setja upp andlitið og allt það. Svo geri ég uppáhaldið mitt, það er að fara uppstríluð í strætó...vúúúúhúúú...

Ps. eru núðlur og djúpsteiktar rækjur á Rikki Chan betri morgunverður en Cadburys súkkulaði?

...jejjjj húúú náði að sofa vel í nótt, vaknaði samt oft en dreymdi amk vel og líður vel núna! :) Það var samt aðeins til að skyggja á gleðina að vakna við brunabjölluna klukkan 7:30 í morgun en ég tók nettan ME fíling á þetta og lá bara í rúminu og hlustaði á ómþýðan hljóm bjöllunar. En þegar hún hætti ekkert að hringja varð daman smá stressuð og fór að hugsa um að henda verðmætum í bakpoka og koma sér út. Það var samt of mikið bras þannig að hún tékkaði á hvað hinir íbúarnir voru að gera, heyrði ekki í neinum hurðum, kíkti fram og allt í afslöppun þar. Svo slökknaði á blessaðri bjöllunni og kominn tími til að kúra sig aftur til rúmlega 10! :)

Annars góður dagur í gær, þvælingur og rosalegt át með Dönu og svo heimsókn til Heiðu. Var næstum farin á körfuboltaleik með henni og þeir sem þekkja mig hljóta að halda að ég hafi verið veik. Þeim til huggunar varð ég hálf slöpp rétt eftir þessa tilhugsun og lét Heiðu dröslast með mig heim í allri umferðinni. Leið bara ömurlega, illt í hausunum og herðunum og hitatilfinning og ég veit ekki hvað og hvað. Er fín núna, hafa sennilega bara verið þreytuveikindi ef þið fattið hvað ég meina!

Er ekki Cadburys súkkulaði rosalega góður og næringaríkur morgunverður sem er uppfullur af járni og trefjum???

...þoli ekki þegar einhver ósvífinn meðleigjandi minn fer að þvo þegar ég er búin að plana að þvo. Finnst að reglan ætti að vera sú að fólk verði að spurja mig hvort ég ætli að þvo áður en það setur í vél! Gleymdi að byrja að þvo klukkan 6 í morgun eins og ég ætlaði mér. Þarf líka að taka aðeins til en það er bara gert fyrir samviskuna því það sést enginn munur því herbergið er ennþá fullt af pappakössum og verður það fram yfir jól.

Tókst annars að sofa í gær, var orðin svo þreytt að ég var næstum farin að grenja, ég lofa að það komu samt smá tár. Svaf svo frá um 14:30 til að verða 23:30 og tékkaði aðeins á kassanum og lá svo í hálfgerðu móki til klukkan 4. Hafði mjög gott af þessu en svaf samt ekki nógu vel. Dreymdi illa og vaknaði oft og þegar ég var í mókinu var ég auðvitað ekki alveg sofandi!

Dreymir reyndar mikið um dauðann þessa dagana. Hvað ætli það merki? Dreymdi um daginn að ég bjó í eldgamla kaupfélaginu og Gústi dó. Ég fór með hann inn í stofu þar sem gólfið var þakið strandsandi. Ég gróf hann við vegginn þannig að ég lagði hann bara þar og mokaði sandi yfir hann. Það var önnur gröf þarna líka en ég man ekki hver átti hana en ég man að mér fannst bæði mjög eðlilegt og mjög óhugnalegt að hafa þessar grafir í stofunni.

Nóttina eftir dreymdi mig að Daníel frændi minn væri dáinn og allir voru hissa því hann hafði verið svo stórt barn og núna í nótt var mig að dreyma einhvern hræðilegan dauðadraum sem ég flýtti mér því miður að gleyma. Var samt mjög brugðið þegar ég vaknaði.

Kannski ekkert skrítið að ég sofi lítið og illa...

...held að annað hvort tölvan mín góða eða internetið hafi smitast af þreyttunni sem hrjáir mig. Amk hefur netið verið seigt sem lím síðasta hálftímann. Verra er samt að ég get ekki sofið!! Gat ekki heldur sofið síðustu nótt, sofnaði um 6:30 og svaf illa til 13 þe alltaf að vakna og vondir draumar. Var svo dauðþreytt í allan dag en hef ekkert getað sofið í nótt. Dundaði mér þess ístað að moka gömlu myndunum okkar Gumma inn í tölvuna, auðvitað alveg bráðnauðsynlegt að hafa þær allar þar, en hvað um það! Nú er bara að moka inn slatta af tónlist áður en ég held austur í sæluna.

Á einhver svefntöflu áður en ég fer yfir um??? Ég þarf að sofa en get það ekki almennilega! Er orðin fölari en gott þykir og lít bara almennt illa út og er ekkert sérstaklega sátt við það. Langar bara að SOFA vel og hæfilega lengi og á almennum svefntíma. Mig langar mest til að grenja núna úr þreytu en er samt ekki þreytt. Get ekki skilgreint þetta neitt frekar en að þreytan er gífurleg en svefnleysið næstum algjört. Hef frétt að vín láti fólk sem er yfirspennt oft slappa það vel af að það geti sofið, ætti kannski að tékka á því. Á nokkra bjóra í ísskápnum, drekk kannski einn og bursta svo tennurnar og reyni að sofa!!! Óóóóó svefninn yndislegi hvar ertu??? Það er annað hvort í ökla eða eyra, 15 tímar eða næstum enginn...

...zzzzZZZZZzzzzZZZZzzzzzzzZZZZZZZZzzzzzzzzz...

...daman ekki ennþá farin að sofa en það er svo sem ekkert óvanalegt að hún vaki lengi. Hef löglega afsökun núna því móðir mín sendi mér sms áðan og spurði hvort ég væri vakandi. Hún hringdi svo og við töluðum og þögðum í örugglega 2 tíma. Vorum að skoða myndir og svona hitt og þetta, yndisleg þessi tækni! :) Annars ágætt að hún hringdi, hefði annars lagt leið mína í 10-11 að kaupa einhvern óþarfa sökum hungurs. En eftir símtalið langa ákvað ég að fá mér Cocoa Puffsið sem ég keypti mér þegar ég var veik fyrir mánuði síðan. Gott að eiga svona gúmmelaði til að grípa í annað slagið!! :)

Fór í kaffi til Gyðu áðan en fékk ekkert kaffi, fékk reyndar ekkert nema vatnsglas og svo mandarínurnar sem ég kom sjálf með! Já svona hugsar hún um litlu frænku!!! Frétti reyndar frá Gunna að hann hefði hálf saknað mín á föstudaginn þegar ég tróð mér ekki í heimsókn til að horfa á Idol. Ákvað að vera góð litla frænka og vera ekki uppáþrengjandi en eftir þessar fréttir tilkynnti ég auðvitað komu mína næsta föstudag! :D Tók svo þá góðu ákvörðun að labba heim í góðaveðrinu og var komin hálfa leið heim þegar það stoppaði bíll og það var öskrað á mig. Þetta var Börkur sem hafði verið á leiðinni heim til sín er varð sennilega svo mikið um að sjá mig á tveimur jafnfljótum að hann snarsnéri við og skutlaði mér heim. Sátum svo hérna fyrir utan og spjölluðum í um 45 mínútur. Hefði auðvitað verið alveg ónýtt að bjóða honum inn enda herbergið ekki alveg í ástandi fyrir gesti akkúrat núna *roðn*!

Var annars að skoða gamlar myndir frá Skövde og það var bara gaman. Margar minningar sem streymdu fram og ég brosti í laumi annað slagið. Kannski ég eigi eftir að kíkja við þarna einhverntímann og tja kannski bara ekki, hver veit?!?!?! Vonast nú samt til að hitta eitthvað af þessu liði við tækifæri! :) Annars er minningin um Svíþjóð að dofna en hún hverfur ekkert, ég mun fara þangað aftur og helst til að búa og læra en ætla samt að reyna að byrja á heimsókn í vor...

...alltaf gaman að blogga alveg rallhálf, ekki misskilja ég er alveg eins edrú núna og hægt er að vera eftir þvílíka sukkhelgi. Vaknaði við símtal um klukkan 14 í dag þar sem því var logið að mér að klukkan væri orðin 17. Mér alveg dauðbrá og var alveg rugluð og skildi ekki afhverju ég heyrði bara þýsku. Þá var kveikt á sjónvarpinu og verið að endurtaka þáttinn um einkaritara Hitlers, ætlaði að horfa á hann um daginn en gleymdi því. Var svo ekki alveg í stuði til að þurfa að lesa texta í dag svo ég svissaði yfir á popptíví. Var mjög fegin þegar ég heyrði sannleikann um tímann, fannst eins og dagurinn væri þá ekki alveg ónýtur. Var mjög rám og vafasöm í símann og var viss um að verða þunn en nei nei nei um leið og ég var komin á fætur fann ég hvað ég var rosalega hress. Ákvað samt að kúra mig aftur eftir að gesturinn var farinn aftur, stoppaði nú bara í 5 mín svo ekki var þetta löng vaka! :) Hef svo legið í rúminu í allt kvöld og horft á kassann og borðað pizzuna sem ég pantaði í morgun, hafði ekki snert á henni en kláraði brauðstangirnar strax! :) Tékkaði svo á Goodfellas á Skjá 1, hafði ekki séð hana og varð ekki fyrir vonbrygðum, mjög góð mynd og akkúrat í tempóinu sem minn þreytti heili þurfti á að halda.

Ætla að hanga aðeins og borða meira og reyna svo að sofa eitthvað. Þarf að fara að klára þessi blessuðu jólagjafakaup og þá er best að vera vel upplögð...

...jeij var að panta huges pizzu með pepperoní og sveppum og auðvitað brauðstangirnar frægu!! Nú er bara að halda sér vaknadi þangað til gúmmelaðið mætir í hlaðið...gæti orðið aðeins erfiðara...dúdúrúúúú já já já já já...nammi namm *slurp og slef*...

...*hrumpf* var að koma heim af djamminu hinu eilífa. Bara búið að vera gaman, dansaði eins og óð manneskja. Það var strákur utan í mér allt kvöldi sem var ekkert leiðinlegt! En ég ákvað að fara heim og hann vildi vera samferða. Ég sagði að það væri ok og lét hann svo bara fara út þar sem hann sagðist eiga heima, langaði ekkert með honum heima enda er ég hrifin af öðrum strák. Leigubílstjórakonunni fannst þetta svo fyndið og hrósaði mér í hástert. Jú jú það kemur fyrir að þessi kona taki réttar ákvarðanir!! :D Jeij hú...annars hittum við Díönnu Ómel (það eru sko 2 n) og hún gerði okkur allar sætar á no time. Undarlegt hvernig við konurnar erum nú til dags því við vorum allar búnar að horfa á hana með öfundaraugum á dansgólfinu áður en við föttuðum hver hún var. Hún geðveikt flott miðað við minn staðal var ekki einu sinni ánægð með sig!! Hvert er heimurinn að fara??? Nú er mál að hætta að bera sig saman við aðrar konur því þetta gengur ekki, ég er grönn en ég verð aldrei karlmannlega vaxin...sjálfið er bara flott og fínt, muna það...

Jæja tími á cocoa puffs, tíví og svefn svo ég verði ekki þunn þegar ég nenni að vakna á morgun...hej så länge...

...hmmmm er blogviðmótið hjá öðrum en mér skrifað með einhverjum kínverskum táknum???

Svosem lítið gerst undanfarið, hef verið ákaflega dugleg við að tala í símann og á msn-inu. Ágætt fyrir þá sem nenna ekki að fara út! Brölti samt alla leiðina í Smáralindina í gær til að ná í bolina sem ég mátaði á mánudaginn. Gleymdi sko debetkortinu í úlpunni minni þegar ég fór að leigja video og kaupa pizzu á sunnudaginn - bölvað vesen! Það var mikið og strangt ferðalag og óska ég ekki eftir að endurtaka það á næstunni. Ég var eins og Gunna úr sveitinni sem hefur aldrei séð strætó áður og svo var strætó seinn og ákvað að stoppa í 10 mínútur í Mjóddinni og ég veit ekki hvað og hvað. Var amk um klukkutíma héðan og í Smáralindina frægu. Ferðin heim var mun styttri og gekk eins og smurð enda var ég þá orðin borgar-Gunna með poka frá Topshop.

Labbaði heim úr Breiðholtinu á mánudagsnóttina. Það var bara gaman og hressandi og var ég um klukkustund að því, hefði verið fjótari ef ég hefði ekki tekið vitlausa beygju. Er vön að láta ódýra einkabílstjórann á gula stóra bílnum með þremur topplúgum sjá um þetta fyrir mig. Var eins og versti róni að labba á gaddfreðnum umferðareyjum í leit að gangstígum, fólkið sem keyrði fram hjá mér hefur örugglega hugsað blendnar hugsanir til mín. Annarsvegar "aumingja ógæfu stúlkan að vera blindfull að labba úr Breiðholtinu á mánudagsnótt" og hins vegar "helvítis aumingjar sem eru fullir á mánudegi". Amk leið mér eins og fólk hugsaði þetta þegar ég spígsporaði þarna í mikilli leit af gönguleið heim svo ég þyrfti ekki að labba á götunni. Annars bara gaman og ég mun endurtaka þetta aftur við fyrsta tækifæri, jafnast ekkert á við smá harðsperrur í rassinn og að sjá húsið sem hann Palli í Englum alheimsins átti heima í. Jebbs rakst á það sem var bara gaman því ég var að horfa á myndina á sunnudaginn og fannst hún mjög góð og hún snart mig mjög mikið.

Allaveganna...hvað á að gera annað kvöld?? Idol og svona en hvað svo?? Mig langar amk að gera eitthvað hrikalega skemmtilegt og spennandi svona til tilbreytingar, lifi svo leiðinlegu og tilbreytingarlausu lífi núna hehehehehe...

...sjitt hvað þetta var góð helgi!! :) Idol-eldamennska og Idol-partý hjá Gunna á föstudaginn og svo djamm fram á morgun þar sem sumir voru aðeins vafasamari en aðrir, nefni engin nöfn. Sofið og legið í leti á laugardeginum en svo tók ég mig saman í andlitinu og gerði mig partýklára á innan við hálftíma og skellti mér í gítarteiti og svo á Gaukinn að hlusta á Buff - gleymdi víst alveg að dansa!! Má samt víst ekki gleyma að nefna það að Hlöllabátar björguðu lífi mínu því svo mikill var ákafinn í að komast í partý að það gleymist að borða eitthvað hollt og gott. Sunnudagur, þreyttur en góður, video, pizza og popp klikkar aldrei og svo frekar snemma að sofa miðað við aldur og fyrri störf.

Já svo er konan bara vöknuð og það fyrir allar aldir, amk ef miðað er við Sirrýskantíma! Ætla að ath hvort ég geti ekki truflað Dönu eitthvað í dag, vill nú alls ekki að hún læri yfir sig stelpan, svona er ég nú hugulsöm vinkona!!

Mmmmmm pizza og brauðstangir í morgunmat og ostapopp í eftirmorgunmat, þetta getur ekki klikkað! Er að hugsa um að gerast ennþá villtari og fá mér appelsín með...

...góður en þreyttur dagur að baki. Hef lítið getað sofið síðustu 2 nætur, ekki spurja afhverju því ég er dauðþreytt - kannski of þreytt?? Pabbi hringdi og vakti mig í hádeginu sem var ágætt því ég hafði ætlað að vakna klukkan 11. Lá svo í rúminu og skipulagði daginn og datt í draumalandið til skiptis þegar Gústi hringdi og bauð mér í heimsókn. Snérist aðeins með honum og fór svo upp í Grafarvog og hitti Sindra Róbert í fyrsta skiptið. Ji minn hvað hann er mikið krútt, algjört yndi sem brosti breitt til Sirrýjar "frænku" enda ekki á hverjum degi sem hann hittir föðursystur sína! ;) Ég sat hjá Gústa og Asiu heillengi og þambaði kaffi, æltaði svo að fara að haska mér heim þegar mér var boðið í mat. Aldrei leiðinlegt að vera boðið í mat, svo ég ákvað að fresta samlokunni með skinku og osti, hitaða júmbóstyle í poka í örbylgjunni og fékk stroganoff og alvöru kartöflumús...namm namm!! :)

Á morgun er svo Idol og er ég búin að redda mér stað til að horfa á það. Blikkaði Nedda frænda aðeins, sem er aldrei erfitt ;), og við ætlum að elda saman og glápa svo á sönginn. Svo er kannski planið að þamba nokkra bjóra og kíkja í bæinn en samt ekkert ákveðið. En miðað við partýfílinginn sem ég er í núna verður voða game á morgun! :)

Núna er bara að vaka í ca klukkutíma í viðbót svo ég geti tekið út úr þvottavélinni fyrir svefninn. Vona að ég geti sofið almennilega í nótt, þarf svo á því að halda...

...alkul virðist vera á Bretlandseyjum núna amk ef ég miða við útsendingarnar hjá bbc2 og bbcNews hjá mér. Allt bara frosið, greyið stelpan starir á stærðfræðidæmið á töflunni eins og hún hafi aldrei séð tölustafi áður og einhver pólitíkus stendur niðurnjörvaður við ræðupúlt og kemur ekki upp orði!

Hef ekki ennþá getað sofnað og ákvað þess vegna fyrir um hálftíma að setja í þvottavél. Varð syfjuð um leið og ég labbaði inn í herbergi og þarf núna að pína mig til að vaka til svona sjö. Ætlaði að stytta mér stundir yfir bráðskemmtilegu barnaefni á bbc2 en nei nei nei og ég sem var orðin frekar spennt að sjá hvert eyjan hans Nóa væri komin og hvað væri að gerast í valdabaráttunni í The Silver Brumby.

Mikið tek ég alltaf góðar ákvarðanir...zzzzZZZZZZzzzzZZZZzzzzzzz...

...endalaus leti er þetta!!! Sit hérna á náttfötunum og er að reyna að finna auka kraft svo ég moki mér upp úr stólnum, í fötin og út í BT að kaupa loftnetssnúru svo ég geti haldið áfram að liggja í leti yfir video-inu í staðinn fyrir tölvunni! Það var einhver eða eitthvað sem ofsótti mig í nótt svo ég svaf alveg hrikalega illa. Var alltaf að vakna og bylta mér með náladofa í hnéinu og ég veit ekki hvað og hvað. Hef aldrei áður fengið náladofa í hnéið og það var eiginlega ekkert sérstaklega gaman og ég óska ekki eftir að fá svoleiðis aftur í bráð!

En lífið fyrir utan þessa fjóra veggi bíður mín, BT bíður spennt og allir ökuníðingarnir á Grensásveginum geta farið að passa sig á að stoppa ekki á grænum karli því ég er á leiðinni út...

...kippan stendur á gólfinu við ísskápinn og hérna sit ég á náttfötunum og er sátt við það. Ákvað að það væri ágætt að slappa örlítið af í djamminu. Þarf að læra slatta á morgun svo það verður ekkert verra að vera sæmilega hress. Sló hraðamet í gær þegar ég tók strætó í Kringluna, verslaði og fór í ríkið og heim aftur, í sturtu, setti upp andlitið og í djammgallann, upp í strætó og í Idol-partý allt á 2 tímum. Þar af fór örugglega rúmur hálftími í strætóbið og ferðir og slatta tími fór í að máta boli og peysur í Kringlunni góðu. Ákvað að kaupa mér peysu sem mig er búið að langa í lengi og það var akkúrart 1 eftir og í minni stærð svo ég áleit þetta tákn að ofan. Keypti líka bol fyrir afganginn af gallabuxnapeningnum frá ömmu! :) Mjög sátt við þetta!!

Ætla að fá mér eitthvað í gogginn og kúra mig svo uppi í rúmi og glápa á kassann eða lesa. Æ hvað það er yndislegt að vera bara að slappa af!! :) Geri svo vonandi eitthvað skemmtilegt og uppbyggjandi á morgun svona amk þegar ég tek pásu frá sálfræðinni og sögunni...

...lít ég barnalegar út en venjulega? Var spurð um skírteini á djamminu síðustu helgi í fyrsta skipti í langan tíma. Kannski komin tími á það því daman var farin að halda að hún væri loksins orðin fullorðinsleg. En maðurinn sem seldi mér strætómiða um daginn kórónaði þetta alveg, hérna er ca samtalið sem ég átti við þennan mann:
Atriðið gerist við sjoppuna á Hlemmi því það var það áliðið kvölds að miðasalan var löngu lokuð.

Ég: Selur þú strætómiða?
Hann: Já
Ég: Ég ætla að fá miða.
Hann: Hvernig miða?
Ég: Ömmm venjulega strætómiða!
Hann: Hvernig venjulega strætómiða?
Ég: Svona venjulega miða, svona fullorðins!!!
Hann: Já ok ég ætlaði að hjálpa þér að spara aðeins.
Ég: Sko er orðin fullorðin og svo er ég að kaupa þá fyrir mömmu og pabba og held að unglingamiðar gangi ekki fyrir þau! :S
Hann: Já þannig hahahahaha hohohohohohohoho hehehehehehehe ahahahahahaha

Við tökum eftir að securitasvörður stendur við hlið sjoppunnar.

Securitas gaurinn: Hahahahaha hehehehehehe hohohohohoho

Ég: Takk fyrir
(Hleyp og næ strætó á síðustu stundu) Hugs: *Er ég svona ungleg?? Unglingamiðar eru fyrir 12-18 ára!! Er það brunasárið á hökunni eða verð ég að fara að gera eitthvað í sambandi við þetta?? Er hægt að fara í gamlingju svipað og yngingu??? Eru það fötin? Er það hárið? Hvað er að mér????

Þessi maður hefur nánast aleinn (örlítið studdur af securitasgaurnum) grafið undan sjálfsmati mínu!!!! Hvar er næsta rækt?? Ef ég lít út eins og sterapumpað vöðvafjall þorir fólk kannski ekki að koma með svona komment á mig! En ég ábyrgist að ef ég hefði verið á brókinni með hauspoka hefði hann haldið að ég væri 45 ára 3 bara móðir með góð læri miðað við aðstæður!! Appelínuhúð *hrollur* þarf ég að segja meira??

Ég er blendingur, með andlit unglings og læri 3 barna móður. Bíð bara eftir bingóvöðvum og augnbrúnasigi! Gerist það betra...

...óheppni mín á sér engin takmörk!! Fór út að borða með foreldrunum á sunnudaginn. Pantaði mér dýrindis sjávarréttapizzu og bætti á hana tómötum og ólívum *nammi namm*. En þessi pizza var ekki alveg tilbúin að gefast upp fyrir mér baráttulaust. Ég skar mér þessa líka fínu sneið af henni, sökkti hrossatönnunum í hana og svo bara ááááááááááááá ææææææææ óóóóóóóóóóóóó þetta er svo sárt!!!!!! Spítti út úr sér pizzubitanum og logsveið í hökuna...osturinn hafði ekki slitnað frá og dróst allur af sneiðinni og á hökuna á mér. Ég greip kókflöskuna hans pabba og reyndi að kæla hökuna en þegar kuldinn var horfinn úr henni var það kolsýruvatnsflaskan mín sem tók við. Eftir mikla kælingu og endalausan sviða sat ég eftir með brunasár og blöðru á hökunni sem lítur alls ekki vel út!!! En pizzan fékk makleg málagjöld, hún var étin og ég naut þess út í fingurgóma! Hahahahahahahaha *gott á þig ljóta pizza hlátur*.

Hvað segir þetta okkur? Það er stórhættulegt að borða...

...í strætó í gær var maður sem var eins og afkvæmi Lou Diamond Phillips (Labambagaurinn) og Moe barþjónn úr The Simpssons. Ég gar varla hætt að horfa á hann, þetta var of skrítið og hann bara í númer 111 að rúnta um Breiðholtið *uss uss uss*.

Helgina var skemmtilega vafasöm!! Sumir vita um hvað ég er að tala aðrir ekki og það er bara ágætt. Var amk alveg óstjórnlega haugadrukkin, dansaði alveg helling og veit ekki alveg hvenær ég fór heim. Fór á Select til Klemensar og hann er búinn að stríða mér endalaust mikið en nóg um það amk í bili...

Svo þurfti daman að fara í Smáralindina að hitta foreldrana og var sennilega ennþá drukkin þegar hún lagði af stað en þynnkan helltist yfir hana fljótlega og þetta er ekki besti þynnkustaðurinn sko.

Hmmm reyndar eru öll bloggin mín orðin frekar vafasöm en whatever...ég er ung og elska að djamma!!! Frétti það reyndar um daginn að ég hefði ekki áhuga á að eiga djammara fyrir kærasta svo það er best að fara eftir því...

...Pirrrrrr veðurspáin á mbl segir að það sé -10 stiga frost pirrrrrr. Eins gott að ég fór í Hagkaup í gær og keypti mér þykkar sokkabuxur til að vera í. Skellti mér í þær áðan og er núna miklu betur undir það búin líkamlega að fara út. Þá er bara að peppa andlegu hliðina upp. Dana og Sverrir eru að koma og við erum að fara að ná í dótið okkar niður á Eimskip. Það verður ágætt að fá dótið en hvar á ég að hafa það? Verð að troða því hingað inn til mín til að byrja með! Iss það hlýtur að reddast, hlakka samt ekki til að bera það upp tröppurnar!!

Skrapp annars niður í Hreyfingu í gær og fékk mér 6 daga ókeypis prufu tíma. Var búin að vera á leiðinni mjög lengi en alltaf búin að vera veik. Er reyndar með hrikalega hálsbólgu núna en ég bara verð að fara að hreyfa mig. Finn hvernig líkaminn linast með hverjum deginum og það er ekkert hroðalega gaman. Nú er bara að hlaupa af sér bumbuna svo ég komist í flottu gallabuxurnar mínar aftur. Frekar svekkjandi sko, notaði þær í allt sumar og svo krass búmm bang og í Rvk kemst ég ekki í þær!!! Er ekki bara meiri loftþrýstingur hérna svo ég pressast niður og er þar af leiðandi aðeins feitari?? Jú það er ég viss um!!!

Eftir að ég er búin að ná í dótið verð ég að fara í Kringluna og kaupa afmælisgjöf handa Ingu Hrefnu og buxur handa sjálfri mér og svo er ræktin. Bara nóg að gera í dag en ég verð að viðurkenna að ég dauð kvíði fyrir að fara í þetta fyrsta skipti í ræktina en svo verður þetta ekkert mál.

Jæja til hamingju með árin 23 Inga mín og hlakka til að sjá þig í kvöld, ég lofa að koma með dósaopnara handa þér!!! ;)

...ég fékk ósk mína uppfyllta í gær og fékk fullt af núðlum, djúpsteiktum rækjum og hrísgrjónum í kvöldmat. Það var hann Neddi frændi sem tók svo vel í asískan mat að hann bauð upp á hann ef ég pantaði. Mér fannst það alls ekki slæmur díll! En ég er svo skemmtilegur matargestur að þegar við vorum búin að hrægammast yfir matnum þá lagðist ég upp í sófa og sofnaði og svaf þar til klukkan 9 í morgun. Opnaði reyndar augun aðeins til að segja hæ við Gyðu þegar hún kom úr vinnunni og færði mig svo í stærri sófan ca klukkan 5 í nótt. Ég rotaðist svo að ég vakanði ekki við símann og gat varla svarað ef það var talað við mig. Endemis þreyta og slen er þetta eiginlega?? Helvítis flensur sem eru að ganga og svo er auðvitað svo mikið að gera *hóst hóst* að ég hef ekki tíma til að vera heima og jafna mig alveg! En hver hefur tíma, nennu eða löngun til að liggja aleinn heima í rúma viku, hitta ekki sálu og vera nær hungurmorða?? Ekki ég að minnsta kosti!

Var svo samferða Gyðu í morgun en hún var á leiðinni í brunch, heppna heppna. Undarleg tilfinning að hafa sofið í fötunum, mæta út á meðal manna ótannburstuð, mygluð, ógreiddari en venjulega og ógeðsleg en hafa samt ekki verið að gera neitt af sér kvöldið áður! Nema það að ráðast á kínamatinn eins og ég hafi aldrei séð mat áður teljist með!

Mig langar aftur í núðlur, skil ekki hvað er í gangi...

...mig langar alltaf svo í eitthvað ómorgunmatslegt í morgunmat. Um daginn var ég að deyja úr hamborgaraleysi með beikoni elsnemma um morgun og í dag eru það ekta kínastaða núðlur sem ég þrái heitar en nokkuð annað!!

Eldaði mér pasta í pakka eldsnemma í morgun og þá meina ég um 5 leytið. Það var vægast sagt undarlegt á bragðið, frekar salt og eiginlega á mörknum að vera ætt en ég slarfaði ca helmingnum í mig og þá var ég orðin pakksödd og frekar ómótt af ógeðisbragði. Það sem maður leggur ekki á sig fyrir magafyllingu!

Langar ekki einhverjum að koma út að borða...núðlur...já...í dag...ha???

...já það var bara gaman í gær! Við Alda og Heiða sátum, stóðum og lágum hérna og spjölluðum og drukkum og drukkum og drukkum áður en við tókum taxa í bæinn með sköllótta manninum. Hann fékk að heyra það þónokkuð oft á leiðinni að einni í bílnum finnast sköllóttir menn miklu flottari og meira sexy en menn með sítt, klepra hár hahahaha!! :D Ég sagði liggja hérna fyrir ofan því Öldu tókst að hella niður bjór þegar við vorum alveg að fara út. Ég sá það og ætlaði að stökkva inn á baðherbergi til að ná í tusku. Tók mið af bjórum á gólfinu og voppla ég hoppaði beint í bjórinn og rann á hausinn. Það þurfti næstum ekkert að þurrka upp eftir að ég hafi legið þarna bjargarlaus og velt mér í bjórum dágóða stund. Ég var öll blaut af bjór en hverjum var ekki sama?? Ekki eins og það væri hvort eð er ekki áfengisfnykur af okkur!! Við hlógum svo mikið af mér að ég ætlaði ekki að meika að standa aftur en sumir hefðu átt að hlægja aðeins minna. Hvernig fer maður nefnilega að því að sitja í stól og spjalla og liggja svo allt í einu á gólfinu með stólinn á hliðinni??? Það er örugglega bara met í dúbíus athæfi hahahaha, skil bara ekki hvernig það gerðist en það e amk allt í lagi með fæturnar á stólnum svo ég hallast að því að stúlkan í stólnum hafi verið orðin ansi vafasöm sökum drykkju!! :)

Svo var bara djamm djamm og djamm fram á morgun, Klemens hitti okkur og það er alltaf gaman. Svo var bjór og bjór og dans og dans og bjór og spjall og...já þið náið þessu er það ekki? En hvað er það með að allir staðirnir loki bara um hálf 7 á morgnanna einmitt þegar ég er komin í mesta stuðið??? Konan varð frekar pirruð en jafnaði sig furðu fljótt!! Hahaha varð álíka pirruð yfir lokun skemmtistaða í morgun og ég var yfir lokun pizzastaða hérna fyrir viku eða tveim!! Þarf fólk virkilega að sofa? Er ekki nóg af fólki sem nennir að baka pizzur og bera glös svo ég geti haft það nice á djamminu???

Já svariði nú...

...jæja eru ekki allir á leiðinni á djammið??? Hér er úber súper mega stuð og á eftir að verða meira, bara meira og meira og meira og meira!!! Aaaahhhhhh hvað bjór er góður og ekki vera að senda senda mér sms þegar ég er að djamma með vinum mínum, já hlustaðu á mig!!!! Say it, don't spray it sko!!! Ha?

Rrrrrrrrrrrrrrrooooooooooooooooookkkkkkkkkkkkkkkkkk...

...held að konan sé hálf full ennþá amk er allt eitthvað svo fyndið sem hún sjálf segir og gerir en það er bara gaman!! :)

Annars voru alltaf allir jafn hissa í gær þegar ég sagði já við afritunum til að setja í bókhaldið. Fólk hló að mér og sagði "hahahaha já bókhaldið". Konan svaraði um hæl "já bókhaldið!! Er búin að setja það svo fínt upp í excel!" Ekki vildu undarlega kærulausir íslenskir djammarar heldur trúa því! "Jájá þú í excel, hahahahaha, bókhald, endemisrugl er það!!" Held að þetta fólk vilji bara ekki vita hvað það eyðir miklu í djamm og sukkmat en þessi kona vill hafa þetta allt svart á hvítu svo að samviksubitið geti nagað hana þar til hún hellir í sig næstu kippu af bjór.

Annað djamm í kvöld, konan er að halda sér úti á markaðnum en segir svo bara nei við að fara heim með fullorðnum mönnum sem reyna að bjarga henni úr aðstöðum sem ekki þarf að bjarga úr. Var að spjalla við gamlan bekkjarbróður og þessi gamli maður var alveg viss um að konan væri í nauð!

Lít ég út fyrir að vera bjargarlaus eða segir þetta eitthvað um útlit fyrrverandi bekkjarbróðursins...

...djöfull er treo ógeðslega vont en þessa dagana er það víst það eina sem dugir til að halda konunni við meðvitund. Ætlaði til læknis í gær en svaf yfir mig! :( Get nefnilega ekki pantað tíma því ég er ekki með lögheimili hérna!! Verð að mæta á læknavaktina á milli klukkan 16 og 18, það er víst eitthvað dýrara og ennþá dýrara eftir klukkan 17. ARG hvað ég varð pirruð en lét það nú samt ekki bittna á konunni í símanum enda ákvað hún þetta víst ekki. Voðalega er það nú undarlegt svona amk þegar tekið er tillit til okkar námsmannanna en ég nenni ekki að æsa mig yfir því akkúrat núna.

Mamma og pabbi lögðu af stað í gær í sæluna á Jamaica og hérna byrjaði að snjóa. Sennilega bara svona til að svekkja okkur sem heima sitjum! Varð að labba út í 10-11 seint í gærkvöldi þrátt fyrir flensu og það var skítkalt, hefði farið í sokkabuxur og ullarpeysu ef mér hefði dottið í hug að það væri svona hrikalega kalt! Þetta er sem betur fer ekki löng leið þannig að ég tórði en það var með naumindum!!!! Gat kúrt mig undir sæng með bunka af gömlum Vikum sem pabbi færði mér, lesið lífsreynslusögurnar og ráðið krossgátur. Er einmitt alveg að verða búin með jólakrossgátuna frá því í fyrra!! :D Ekki seinna vænna ha??!!! Hef annars hangið á netinu í mest alla nótt spjallað og skoðað svona eins og fólk gerir venjulega á netinu. Hef afsökun fyrir öfugum sólarhring núna og það er þessi marg rómaða flensa...

...hahahaha það var bara fyndið að horfa á Eddie Izzard hjá Jay Leno, hvað er hann eiginlega fyndinn??? Alveg hrikalega sko!! Svo var hann líka í eðlilegum karlmannafötum en ekki með varalit, í hæla skóm og glansblússu. Held ég hafi ekki séð það áður, hann er bara myndarlegasti maður en ég verð að segja að hann er afspyrnu ófríð kona...

...foreldrar dramadrottningarinnar eru í borginni og drógu hana á Café Milano þar sem hún fékk rosa góða beiglu og skemmtilegt snakk við Söndru Birgis. Þá var auðvitað haldið í Hagkaup þar sem the D-queen fékk nýjan mat í ísskápinn. Er búin að vera svo asnaleg að ég hef ekki haft lyst á að borða, hef þurft að pína ofan í mig matinn og það sem ég gat ekki hugsað mér að éta fór útrunnið út í tunnu áðan. Frábær nýting!! Læt doktorinn tékka á þessu ef þetta fer ekki að lagast. Fórum svo að borða á Madonna sem er uppáhaldsstaðurinn okkar í borginni og ég gat ekkert borðar!! Varð óglatt um leið og ég fann matarlyktina og ældi næstum við tilhugsunina að éta. Þau gömlu pöntuðu sér fínan mat og ég var eins og asni þegar ég sagðist ekki ætla að fá neitt, var meira að segja ómótt þegar mennirnir á næsta borði fengu súkkulaðimúsina sína afhenta. En um leið og foreldraparið mitt hafði kyngt síðasta lambakjötsbitanum leið mér betur og afhentu þau mér þá báðar súkkulaðimýsnar sínar sem ég borðaði með bestu lyst og fékk mér svo humarsúpu í eftirrétt!! :) Afgreiðslukonan varð alveg standandi hissa þegar ég kom fram og sagðist ætla að fá súpuna. Hún sagði hátt og skýrt og með undrunar tón í röddinni "ÞÚ??? ÆTLAR ÞÚ AÐ FÁ SÚPU???

Lít ég út fyrir að borða aldrei...

...dramadrottningin er loksins komin á netið inni hjá sér og þess vegna er þetta merkilegt blogg. Þetta er fyrst bloggið sem er skrifað á hrikalegu flottu 12" power book-ina sem ég keypti einhverntímann um daginn. Hef hangið á netinu í allt kvöld að spjalla við hina og þessa og skoða hitt og þetta og það er bara gaman. Svo gaman að ég keypti pizzu og brauðstangir líka og er bara algjört nörd! :) Þeir sem horfa á sjónvarpið hérna á klakanum vita að það er mega-vika hjá dominos og þar sem daman er bæði með flensu og var að fá netið var tilalið að tæma klinkið úr veskinu og kaupa eina feita með pepp, svepp og gráð og 1000kall!! :) Liggur við að þetta sé sparnaður því þetta eru örugglega 3-4 máltíðir fyrir mig.

Er með kveikt á popptíví líka og það var eitthvað brjálað fólk að kjósa á þennan play-lista því það var örugglega hátt í klukkutími bara með Britney, svo komu nokkur önnur lög og svo bara meiri Britney. Sýnist samt á öllu að Britney aðdáendurnir séu búnir með inneignina á símanum í bili - sem betur fer!!

Oj rigning og rok, það var eitthvað að fjúka úti með miklum látum, pirrrrrr verður kalt við tilhugsunina! Eins gott að þurfa ekkert að fara út núna en verð víst að koma mér út á morgun hvort sem mér líkar betur eða verr. snúast í þessu húsalaigubótadrasli og fara a pósthús og reyna að finna mér buxur svo ég þurfi ekki að vera á brókinni einni saman í vetur og...og...og...og...og...og...og...svo eru mamma og pabbi að koma og gista eina nótt hjá mér áður en þau skjótast í blíðuna á Jamaica. Væri alveg til í sól núna ahhhhh.

En hej allt í einu er þetta dæmi með nýjast línuna á sidebarnum bara orðið eins og það á að vera, ekki lengur línan af öllum bloggum frá upphafi. Undarlegt mál, en mér hefur greinilega tekist að laga þetta með minni hrikalegu góðu aðferð sem heiti fikta þar til allt lagast aftur... :D

...afhverju gerðist þetta?? Var að uppfæra tenglalistann minn og ég lofa að ég fiktaði ekki í neinu öðru og núna er "nýjast"listinn ekki lengur bara 10 nýjustu heldur allt sem ég hef skrifað!!! :/ Er búin að reyna að laga þetta en finn ekki réttu leiðina svo góð ráð væru vel þegin. Það var eitthvað annað sem ég var að pæla er bara búin að steingleyma hvað það var! Ætli útúrdrukknar heilafrumur komi þar að sök?? Ekki það að ég sé full núna en þær eru varla frekar búnar að jafna sig eftir helgina en td. maginn...

...dramadrottningin er ennþá á fótum, já þetta gengur illa með sólarhringinn. En get auðvitað ekki búist við að sofa á nóttunum þegar það er djammað fram á morgun kvöld eftir kvöld og deginum varið í rúminu með vatnsflösku sér við hlið. Ekki það að ég hafi verið þunn heldur yfirgengilega þreytt. Innfluttningspartýið var fínt, ókeypis bjór og fínar veitingar og þeir sem mig þekkja vita að ég slæ ekki hendinni á móti gúmmelaðinu!! Svo bara djamm, djamm og djamm og fullt af dansi. Hitti hana Auði sem er að ríða vini vinar míns og við tjúttuðum alveg helling en það vorum við Sólveig sem vorum drottningar dansgólfsins með hring af karlmönnum um okkur. Jafnast ekkert á við það að vita að maður geti hözzlað og fara svo bara ein heim. Hitti reyndar draumaprinsinn (kannski frekar konung martraðanna?) en stakk hann af aftur. Hversu sterkur leikur það var verður bara að koma í ljós síðar! Eyddi svo fullt af monníum í leigubíl heim og reifst við leigubílstjórann um verðlag alla leiðina, djö langaði mig að stinga af úr bílnum án þess að borga en the D-queen er heiðarleg og rétti honum kortið titrandi af reiði en náði að halda virðuleikanum. Hann sagði að ungt fólk væri vanþakklátt og ég sagði örugglega eitthvað gáfulegt á móti eins og mín er von og vísa...

...daman er ekki hin hressasta í dag sökum hvítvínsdrykkju og bjórs í gær. Við Klemens og Jóna skelltum okkur út á lífið og djömmuðum af okkur eyrun og það var bara stuð. Svo tókum við Klemens leigubíl í 10-11 og löbbuðum heim til mín með fullan poka af góðgæti sem hefur varla verið snert á. Reyndum sko fyrst að panta pizzu og okkur til mikilla furðu var bara búið að loka öllum pizzastöðum klukkan 7 í morgun!! Hvert er heimurinn að fara??? Svo röltum við upp Ármúlann og Síðumúlann, reyndum að finna út hvar húsið mitt er og vorum eins og glæpafólk fyrir aftan fyrirtæki að reyna að finna styttri leið...æ þetta var bara fyndið!! :) Svo ákvað ég að ég vildi endilega hitta eitthvað af fólkinu sem býr hérna og fór upp og þóttist vanta dósaopnara (já ég veit dósaopnara af öllu, blindfull klukkan 7 að morgni) og blaðraði heillengi við 2 dani og grænlenska stelpu. Þau voru að borða morgunmat og á leiðinni í vinnuna og tja ég vona að ég hafi ekki verið alltof þreytandi. Skokkaði svo niður, beið þar í smá stund og fór svo upp aftur að skila dósaopnaranum!!! :D

Í kvöld er svo annað djamm og daman finnur að hún er ekki með alveg eins gott þol og hún hafði í gamla daga. Hildur Jóna og Þórður eru með innfluttningspartý og það verður örugglega þrusu stuð þar, alltaf stuð á Hildi Jónu!! :) Ætti í rauninni að vera niðri hjá mér að sturta mig og gera mig fína í staðinn fyrir að sitja hérna í úlpunni og ennþá með djammfnykinn á mér, jakk jakk jakk!!! Annars byrjar partýið eftir 1 og 1/2 klukkutíma svo það er best að fara að borð eitthvað smotterí og eyða svo drjúgum tíma við spegilinn í að reyna að láta mig líta eins vel út og hægt er og það verður ekki auðvelt verk því konan er með mikla ljótu í dag!!

Þangað til síðar, ekki gera neitt sem ég mundi ekki gera...

...ef það er til sjónvarpsguð er hann að reyna að koma skilaboðum til mín í gegnum fjarstýringuna. Reyni td að setja á stöð 1 og það fer sjálfkrafa á stöð 6, þetta endurtekið nokkrum sinnum, reyni þá að setja á einhverja aðra stöð þó að það sé meira að segja engin stöð þar og aftur fer ég sjálfkrafa á stöð 6. Svona gengur þetta í alltof langan tíma, ég prófa allar stöðvar fer alltaf á stöð 6. Þegar ég hef loksins unnið bardagann og er farin að horfa á undurskemmtilega dagskrá Ríkissjónvarpsins ákveð ég að fara á textavarpið og tékk hvort það sé ekki örugglega eitthvað skemmtilegra að fara að byrja en Túnískur framhaldsmyndaflokkur í tugþúsund hlutum!! Þá byrjar ballið aftur og sama hvað ég reyni að fara á síðu 202 þá fer ég alltaf á síðu 620, þó að ég ýti fyrst á 2 kemur bara 6. Þetta er voðalega pirrandi og frústerandi en konan vinnur baráttuna á endanum en hvað er guðinn að meina?? Of mikið 6, of líðið 6, ekkert 6, bara 6??

Gefðu mér fleiri vísbendingar ó þú mikili sjónvarpsguð...

...vá náði tölvunni hahahaha!! Annars er ég að fara að sofa eftir smá stund, er bara aðeins að spjalla í símann fyrst! :) Náði að halda mér vakandi í allan dag með því að stúdera Laugarveginn með Gyðu í dag og borða á Reykjavík Bagel Company. Fékk reyndar herfilega í magann eftir það en kenni ekki beyglunni um það heldur tja bara einhverju öðru. Er svo búin að halda mér vakandi í allt kvöld til að horfa á hina dönsku Króniku en þá er henni bara aflýst út af kostningunum í USA!! Er ekkert heilagt lengur???

Tja mér er spurn...

...get ekki hætt að hugsa um draum sem mig dreymdi um helgina, þeir voru reyndar margir því ég var alltaf dottandi og einn var um Leiðarljós en hann var ekkert merkilegur! Í þeim merkilega var ég að skrifa á fullt af minningarkortum sem voru stór, svört með hvítum, frekar óskýrum blómum. Var greinilega fullt af fólki dáið sem ég þekkti! Get svo sem ekki sagt meira en þessi draumur var eitthvað svo áhrifamikill.

Gaman að vera með allar stöðvarnar frá Norðurljósum óruglaðar fyrir utan eitt. Ég kem mér ekki í svefn heldur horfi á hundleiðinlegar bíómyndir fram á morgun. Ef þær eru leiðinlegri en hundleiðinlegar hangi ég í tölvunni eða les þar til næsta mynd byrjar. Þetta er ekki eðlilegt!!! Gerði reyndar forsíðu fyrir söguritgerðina mína áðan (yfir vafasamri bíómynd) en þegar kom að því að skrifa eitthvað merkilegt sagði heilinn stopp og neitaði að lesa eða skoða bækur, vildi bara horfa út í loftið og ímynda sér einhverja vitleysu.

Verð að rífa mig á fætur snemma á morgun og gera hitt og þetta og leita af hinu og þessu, reyndar ekki karlmönnum í þetta skiptið...

...daman mætt á netið um miðja nótt eða ætti ég að segja snemma morguns? Það gengur ekkert að snúa sólarhringnum við sökum hörkudjammsins sem ég lennti í á föstudaginn. Það var eiginlega bara gaman og ég fór ekki úr bænum fyrr en um 7 og ekki að sofa fyrr en um 10...konan getur þetta ennþá. Hitti gamlan Skövde-búa á Hverfisbarnum sem heitir Eyþór. Hann hataði Skövde og var alltaf fullur, man eftir að hafa heyrt eitthvað um hann en bara ekki hvað!!

Eftir atburði helgarinnar held ég að þessu rúsneski pöntunarlisti komi vel til greina, ég skil hvort eð er ekki karlmenn svo hvaða máli skiptir þá að hann sé með hormottu og tali óskiljanlegt tungumál??? Hef líka frétt að það sé nóg af 50-60 ára körlum á einkamál.is svo kannski ég kíkji á það ef þessir rúsnesku bregðast mér hahahaha ;) Annars er konan ekkert voðalega desperat ennþá, þetta er meira svona í kjaftinum á henni en alltaf gaman að kíkja eftir myndarlegum mönnum.

Fæ vonandi netið inn til mín á morgun svo ég þurfi ekki að hýrast hérna frami á gangi í skítakulda allar nætur, miklu meira kósí að vera uppi í rúmi undir sæng með litla eplastrákinn minn!! :) En það fyrsta sem ég þarf að gera til að fá netið er að reyna að rekast á einhvern sem ræður einhverju hérna og það hefur mér ekki tekist á marga daga og finnst það orðið frekar vafasamt eða er ástæðan sú að ég þoli illa dagsbirtuna þessa dagana???

...leitin heldur áfram...

...kerlan mætt á borgarbókasafniðí Kringlunni til að þvælast aðeins um á netinu og ná sér í eitthvað spennandi að lesa í nótt svo það verði alveg örugglega ekki sofið neitt. Sólarhringurinn er frekar skakkur þessa dagana en þetta er allt að koma. Það er reyndar allt frekar skakkt hjá mér þessa dagana en allt er að komast á rétt ról. Var næstum búin að klúðra skólanum einu sinni enn en tókst að redda því sem betur fer. Er ekki viss um að ég hefði meikað eitt klúður í viðbót!!

Smá sjokk í morgun, var að pæla í hvort það væri alveg hellings rigning úti ekki spurja mig afhverju samt. Leit út um gluggann og allt var hvítt og friðsælt en ég fékk hroll í beinmerginn og kúrði mig svo langt undir sæng að ég ætlaði aldrei að geta vakanð aftur. En snjórinn var amk farinn þegar ég vaknaði sem vekur upp spurningar eins og "ætli konan geti laggst í dvala í vetur??"

Sjitt hvað ég get ekki hætt að hugsa um hvað ég hlakka til að fá netið, er komin meðþað mikil fráhvarfseinkenni að ég beið og beið í nótt eftir að komast í almenningstölvuna þar sem ég bý. Var einhver í henni sem ætlaði aldrei að hætta, en sú ósvífni!!

Annars ætla ég að auglýsa eftir upplýsingum, hvar finna konur menn sem eru myndarlegir, skemmtilegir, góðir og barnlausir??? Gústi segir að það gerist bara í skáldsögum og kvikmyndum og hjá Krossinum vona að það sé ekki satt...

...leitin hefur formlega byrjað...

...þá er konan flutt á Grensásveg og hefur það bara helvíti fínt í lítilli stúdíóíbúð á hálfgerðum nemendagörðum. Sit frami á gangi og nota almenningstölvuna en fæ internetið inn til mín um mánaðarmótin og sjitt hvað ég hlakka mikið til. Svo sem alveg hellingur að frétta en veit ekki hvort ég nenni að vera að segja frá því öllu. En eitt get ég sagt ykkur og þa er að það er alveg hellings vesen að flytja á milli landa og vera ekki einu sinni staddur í landinu sem flutt er frá þegar flutt er!! Meikar þetta einhvern sens hjá mér?? Þetta er búið að vera alveg helvítis bras og leiðindi og ekki alveg búið ennþá sko en það gerist samt vonandi fljótlega. Annars er jafn kalt í Reykjavík og það var í minningunni enda neyddist konan til að fara og kaupa sér úlpu sökum þess að hennar úlpur höfðu það bara næs í Sverige. Þetta var besta afsökun sem ég hef haft til að kaupa mér föt og þar af leiðandi er ég að hugsa um að senda reglulega helminginn af fötunum mínum í ferðalög og þá meina ég fötin sem eru nothæf!! ;)

Ætti kannski að koma mér í bólið svo ég snúi sólarhringnum ekki alveg við. Hef reyndar afsökun fyrir þessum viðsnúningi núna því ég er búin að vera með einhverja helvítis flensu en reyndar ekki hugsað neitt voðalega vel um mig á meðan. Þurfti að flytja og mæta í kökuboð og mæta í slátur, versla nauðsynjar og ég veit ekki hvað og hvað.

Hefði aldrei trúað því hvað msn leysi hefur mikil áhrif á mig. Ég sakna þess alveg hrikalega og varð fyrir miklu áfalli þegar ég uppgötvaði að msn-ið í þessari tölvu er svo úrelt að það e rónothæft og ekki hægt að uppfæra það nema vera sá sem öllu ræður hérna. Að sjálfsögðu ætti það að vera ég en því miður fær konan næstum ekkert þessa dagana af því sem hún vill!! :( En þið öll verðið að fara að liðka puttana því daman kemst á msn fljótlega og þá vill hún fá að frétta allan skítinn og sorann og tja kannski smá af ykkar persónulegu málum! ;)

Þangað til seinna...

...oj er að prenta út glósur fyrir sálfræði og djöfull er það leiðinlegt!!! Ákvað að það væri best að hafa þetta í höndunum þar sem ég á enga tölvu í augnablikinu. Alltof mikið að gera í dag, þarf að labba alla leið út á bæjarskrifstofu út af einhverjum lögheimilispappírum, þarf að hitta ömmu og hringja út um allar trissur og pakka niður og... og... og... og koma mér til Reykjavíkur. Skellti mér í afmæli til Ástu í gær, þriðji dagurinn í röð sem ég fæ afmæliskökur og ég verð víst að viðurkenna fyrir sjálfri mér að þó að kökur séu góðar þá er alveg kominn tími á létt morgunkorn, skyr og ávexti að ógleymdri ab-mjólkinni.

Ahhh partý um helgina og verð að viðurkenna að ég hlakka bara skrambi mikið til...

...fréttaskot...

Við Gummi erum hætt saman eftir tæplega 4 ára samband. Þetta var sameiginleg ákvörðun sem var tekin í mesta bróðerni og erum við bestu vinir ennþá. Er í þessum skrifuðu orðum einmitt að spjalla við hann á msn-inu. Konan mun leggja leið sína til Reykjavíkur á laugardaginn og reyna að sníkja sér gistingu einhverstaðar þar til húsnæðismál verða komin á hreint. Daman á enga tölvu eftir skilnaðinn en á leikjatölvur í öllum stærðum og gerðum en það er víst frekar erfitt að komast á netið á þeim svo ég verð að reyna að blikka vini, kunningja og frændfólk til að hleypa mér í tölvurnar sínar annað slagið til að uppfæra bloggið og tékka á lærdómnum.

Well, verð að fara að pakka draslinu mínu. Við heyrumst síðar, góðar stundir...

...hann á afmæli í dag, hann á afmæli í dag, hann á afmæli hann bestasti besti pabbi í öllum heiminum, hann á afmæli í dag. Hann á rosa stórt stórafmæli í dag, hann á rosastórt stórafmæli í dag, hann á rosatórt stórafmæli hann bestasti besti pabbi í öllum heiminum, hann á rosa stórt stórafmæli í dag... Pabbi minn er sextugur í dag og fær skrilljón þúsund kossa og knús frá mér og þakkir fyrir að vera akkúrat eins og hann er, það er besti pabbinn í öllum heiminum!!! Takk fyrir mig elsku pabbi!! :*

Var að koma úr stórborginni Reykjavík þar sem ég stoppaði í rúma viku. Það var bara gaman og bara stuð allan tímann og það er langt síðan ég hef fíflast og hlegið jafn mikið. Fór á amk 3 djömm, var + 1 með frænku minni á Papa-ball, rölti um alla borgina og blikkaði fólk til að skutla mér. Keypti ekkert nema nauðsynjar og þá er ég a meina alvöru nauðsynjar eins og verkjatöflur (fékk flensu), pensím (er með exem), snyrtibuddu (mín var rifin) og eitthvað að borða sem var auðvitað nauðsynlegt en kannski ekki svo nauðsynlegt að fá sér feita sóða hammara og pizzur löðrandi í pepperóní og gráðosti öll kvöld en so what...

Hoppaði austur í gær og er með hrikalegar harðsperrur í kálfunum. Er ekki alveg sjúr á hvort þær stafa af hoppinu á ballinu eða hoppunu austur! ;) En well nóg í bili þarf að fara að gera mig elegant og flotta fyrir veisluna hans pabba sem byrjar...tja...um leið og allir mæta og ef ég þekki fjölskylduna mína rétt er ekkert voðalega langt í það...

...hvers á ég að gjalda??? Er neydd eldsnemma á fætur til að þvo glugga og ljós og hengja upp gardínur. Þegar átti að fara að þrífa bakaraofninn fór ég í verkfall og fékk mér brauðsneið með feitu salati. Feitt salat lagar allt nema samviskuna yfir linku sumarsins en bráðum fer ég að heilsa upp á Pernillu í BodyBalance og verð hrikalega flott og fim!

Kannski ekkert skrítið að mamma hafi notað tækifærið til að vekja mig eldsnemma svona fyrst ég var sofandi í pabbabóli. Hef nefnilega verið hrikalega dugleg svona ca síðustu 3 vikur að sofa fyrir framan tívíið en um daginn hugsaði ég að núna væri kominn tími til að sofa útteygð og fín og vakna án bakverkja. Ég skunda af stað inn í herbergi eftir að hafa slökkt á imbanum og öll ljós og lokað þeim hurðum sem venjan er að hafa lokaðar á nóttunni. Tek svo gömlu lélegu sængina sem ég er svo "heppin" að hafa afnot af í sumar og hristi hana. Lít svo í rúmið mitt og sé það er allt í dauðum flugum, læt sængina detta aftur í rúmið, tek bókina mína og rölti inn í hjónaherbergi. Þá var búið að vera svo mikið rok að öll líkin fuku úr glugganum og beinustu leið í rúmið mitt *jömmers*. Hef ekki ennþá nennt að skipta um rúmföt og ryksuga líkin en verð víst að gera það á morgun því þá kemur pabbi í land, nema ég vilji halda áfram að sofa í tívísófanum. En mér er spurn...hvaðan koma allar þessar flugur?? Húsið er þakið fjallaköngulóm sem er góð ástæða fyrir mig að sleppa allri garðvinnu. En þar sem ég hef ekki grenjað þar til pabbi hefur kallað á eitrara þá gætu þær nú gert mér þann greiða að veiða þessar flugudruslur...

...skrapp í klippingu á föstudaginn og kom út með mega töff rock punk chick klippingu sem ég er mjög sátt við. Ásu fannst ekki leiðinlegt að meiga gera eitthvað svona aðeins öðruvísi, hún spurði hvað ég vildi gera við hárið og ég sagði alltaf bara eitthvað skemmtilegt og skemmtilegt varð það! :)

Föstudagskvöldið var fyrsta rólega helgarkvöld sem ég tek í allt sumar, fór ekki út úr húsi einu sinni. Hlíf Ösp kom í heimsókn og við sátum og spjölluðum og fífluðumst til kl 4:00. Skruppum svo í héraðið á laugardaginn og ég hélt að ég væri að vera lasin en bjórinn um kvöldið lagaði það eins og allt annað. Bjór er kraftaverkalyf!!! Heilsan var reyndar eitthvað vafasöm í dag, uppköst og læti en það Skjár 1 reddaði þessu með því að hafa einhverja bíómynd á dagskrá sem ég gat kúrt mig yfir. Leið betur um leið og ég fann stellingu í sófanum sem mér varð ekki óglatt í!! :S

Hej Jóna það er eitt gott við sundboli, þeir teygjast og svo eru bikiní ennþá betri því þá fær bumban að vera frjáls og "anda"vel og minni bumbulínu finnst það nú ekki leiðinlegt... ;)

...Jóna ég skal koma með þér í sund þegar ég kem út, ætla að halda áfram þar sem frá var horfið í sundinu í vor. Ég er með hausverk og búin að sofa í allan dag kannski sem betur fer því mamma er búin að vera að baka helling og ég fæ ekkert af því *grenj og svekkelsi*!! Sjitt það er svo dimmt úti að maður þorir varla út, gætu einhverjir stórhættulegir sjóarar komið og barið mann í klessu. Jebbs Seyðisfjörður varð að glæpabæli síðasta mánudag þegar tveir utanbæjarmenn fóru að slást á Lárunni að ég held um unga dömu. Konan var sem betur fer ekki á staðnum enda eru slagsmál ekki hennar sterkasta hlið en ég get bitið mjög fast ef það er ráðist á mig og það er til ung stúlka sem veit af því!!! Hahahahahaha

Já ég er kerling og bara skrambi stollt af því...

...því miður eða tja kannski sem betur fer rignir ekki karlmönnum hérna heldur er bara venjuleg rigning og það ekki lítið af henni. Væri samt fyndið að sjá óteljandi karlmenn detta af himnum og *splass* lenda á malbikinu!! Hahahahaha

Mér er illt í augunum, hvað er eiginlega í gangi?? Já maður spyr sig...

...ekki svo slæmur dagur tja eða morgunn og kvöld því ég svaf frá rétt fyrri hádegi og fram að kvöldmat!! Svaf ekkert síðustu nótt og kúrði mig svo yfir tívíinu í dag. Uppgötvaði að þeir sem hafa M12 hjá stöð 2 hafa ókeypis bíórás þegar sýn er ekki og síðan hef ég haft nóg að gera allar nætur við að hanga yfir misgóðum bíómyndum. Sit núna sveitt á náttfötunum, sem ég hef ekki farið úr síðan einhverntímann í gær,með Kiefer Sutherland í Lost Boys hárgreiðslu og vonast til að verða syfjuð fljótlega svo ég geti brotið mig saman í sófann gamla og góða, mér er nefnilega ekki alveg nógu illt í bakinu þessa dagana!!!

Fannst vera komin sól áðan en þá var það bara ljósið á ganginum sem speglaðist svona vel í rúðunni...